Asia Catholic Bishop pawl le thilcang zaten Asia ramtluan thureltlangnak (October 16, 2022)

Asia Catholic Bishop pawl le thilcang zaten Asia ramtluan thureltlangnak

October 16, 2022

         Asia Bishop pawl pawlkom ih general conference cu Zarhpi ni a si. Cui ni cu Singapore William Goh ih hohanak thawn an rak tuah. Cardinal ih thusimnak ah cui ni ih siar mi Cathianghlim pawl hrambun in hmainor ding mi cin le daan leh tidaan pawl thuhla a rak sim. Pawlpi hrangah (Tuu pawl hrangah) tlaitluang ten din a tul nak cu Tuukhaal pawl ih tuanvo a si thu, Tuukhaal pawl ih tuanvo cek fel nak, Thiang Thlarau Pathian ih lamhmuhnak lak in tuah a tul tiah a sim.

         Teette khaan tu pawl si dingah, mai thinlung cohlang ih tuah thiam dingah, sim vekih tuah suak caan a thleng ko nan tlaitluang ten tuah dingah, Pawlpi hnatuan pawl le kohhran mipi pawl ih hmailam khualtlawng dingah thlacamnak a thupit thu a rak sim.

         Cui hnu ah conference ih tel tu ai-awh tu pawl cu ‘thureltlangnak’ caanserh ah an rak tel. Cui thureltlangnak cu Asia ram (13) ih sawm mi thurel tlangtu ding (16) an rak tel. An mah in nunram hmuhton mi pawl an rak pahsuak. Curuangah an rak pahsuak mi thudik pawl langhngan ter ding mi thureltlangnak pawl theih a theih ding.

         Thureltu pawl sungin kohhran mipi pawl, biaknak lam hotu pawl, innsang nei mi pawl, innsungsang, innsang  nu (lole) pa pakhat lawng ih pahsuak rero tu pawl, ramkhel lam tuanvo neitu pawl, kum upa, a dang ih thiam hleice mi, nunau pawl, cui hmun ih um tu pawl, kiangkap siatsuah ruangih harsatnak tong rero tu pawl, tuahmawhtu pawl ih dodalnak a luar thu le sumdawnnak pehtlaihnak lam ih rak tong tu pawl, a tuan rero lai tu pawl ih sim mi pawl an rak ngai.

         Hi caanserh cu Bishop Allwyn D’silva ih hramthok thusimnak thawn an rak thok. Hramthok thusimnak ah cui ‘thureltlangnak’ ih tel tu zate hnenah ‘Kei cu zawi innhnen ka si’ ti mi thusuhnak a rak sut ih bengvar ten ngai dingah zaangfah a rak dil.

         Thureltlangnak ih rak tel tu pawl in a tel tu pawl hnenah man tah theih lo mi hmuhnak pawl, ruahsannak hrangah a cang thei mi tongkam tampi a rak rel. Cardinal Oswald Gracias in thu rak rel tlang mi pakhat hnenah lungawi thu a rak sim ih thureltlangnak caanserh a rak cem.

         Hi thuthang cu RVA/FABC thuthang ih kan ngah mi a si.

https://bit.ly/3MJ5r3x