Asia Christian phunphun pawlkom ih kumtin Christian hmunkip ih mino pawl hruaikai awk daan tindaan pek (September 21, 2022)

Asia Christian phunphun pawlkom ih kumtin Christian hmunkip ih mino pawl hruaikai awk daan tindaan pek

September 21, 2022

          Christian phunkim pawlkom (AEI), Asia Christian pawlkom ih kumtin Christian hotu pawl thiamnak khaisannak tindaan cu (Sep 19 – Oct 14) tiang an tuah ding. Tindaan ih thu hrampi cu ‘God of Hope, Sustain Your Creation in Harmony’ (ruahsannak Pathian, na sersiam mi cu an tha tuk ih rualrem dingin kilhim hram aw) ti a si.

          Covid-19 pulhnat ruangah (2020-2021) caanserh cu online lawngin an rak tuah thei. Tui kum cu Thailand ram, Chiang Mai ih um Payap University ah mah rori tel in an rak tuah thei. Asia ram phunphun ihsin minung (24) an rak tel thei.

          Hi caanserh cu 2016 ah an rak thok ih Pawlpi thansonak hrang le Asia ih Christian phunphun hotu pawl ziangtin rualrem sinsin dingin tuah a tul ti mi pawl cu an zirh daan pakhat a si. Hruaikainak cu ram tinkim ih nemhnget mi pawlkom pawl in an tuah.

          Thlakhat hrawng rei mi hi tindaan ih tumtahnak cu Christian hotu pawl thiamnak famkim dingah, sersiam mi kilhim in ruahsan tul mi Pathian thuhla cu thuk zet ih thei dingah, thathonak, thiamnak, hi pawlkom ih nemhnget mi pawl tuah suak dingah, cu lawngah Pathian ih sersiamnak thawn a rualrem mi nunram nungter dingah a si. AEI- 2022 pawlkom sungah Biaknak, nunphung lam ih mi thiam pawl an tel. An pawlkom cu 1957 ah an rak din.

          CCA cu hmaisabik leitlunhuap Christian phunphun pawlkom pi a si. Cu mi cun Pawlpi hnatuan pawl, Asia ih um Christian pawl khat le khat lungrual sinsin dingin tuah daan pawl a phorhsuak. Cu mi in leitlunhuap Christian Council thawn a pehtlaih. (2017) ah CCA in pawlkom dinnak kum (75) kim Jubilee khal a rak tuah.

          Hi thuthang cu RVA thuthang ih kan ngah mi a si.

https://bit.ly/3rXR1TA