Asia le Africa ih Catholic mipum an thang rero tiah sim October 22, 2021

Asia le Africa ih Catholic mipum an thang rero tiah sim

October 22, 2021

         Asia continent le Africa continent pawl ih Catholic Khristian mipum cu 2019 ah a rak thang thu tui an zingzoi nak vekin theih a si. 2019 ah leitlunhuap mipum cu taan 81.3 tiang a thang ih Catholic Pawlpi cu taan 15.4 a thangih leitlunhuap dinhmun in Catholic mipum 1.3 billion a thang tiah an sim. An zingzoi mi ah cun 2018 le 2019 ih zingzoi mi a si-ih 2020 cu  Coronavirus ruangih sunmi pawl a tel lo thu, a hlan thuthang pawl cu Europe le America ih Catholic Puithiam pawl an malnak thu tarlang a rak si nan 2019 ah mipum a than rero lai hmuh a si. Leitlunhuap continent 5 in, a hleice in Europe le America ihsin Catholic kumkhua Deacon pawl khal an karh rero tiah an sim. Asinan, 2019 ah thukam pathum a lak tu mipa, nunau a mal vivo thu, thukam pathum a lak tu pawl 11,500 tiang a tum kko nan America ah cu nap aw ih rian tuantu pawl 34,200 tiang a thang.

         2019, Yangon ah Catholic 17.74 zateek tiang leitlunhuap ah a thang. Africa ih Catholic pawl cu 2019 ah taan 8 tiang a thangih ram mipi ih zateek 19 tiang a tam vekin Asia continent ah khal 4.5 billion, mipum ih 3.3 zateek a um ih taan 149.1 an um tiah an sim. October 21 ih tarlang mi ah cun Cardinal Luis Antonio Tagle in Asia continent ih Catholic mipum a hrek zik te Philippines ih an um thu, thuthangtha phuannak thawn pehpar mi Pope zung council ih hotu Cardinal Tagle in ‘tui kum sungah thukam pathum a la tu nunram ih luhnak, Puithiam tlawng luhnak, Baptism laknak pawl cu Asia dinhmun in a thang rero hi hmuh a si’ tiah a rak sim.Mipum ih siar cun a mal nan zateekih zoh a si ahcun a thang, a karh. Pathian hnenah kan lungawi tiin Cardinal Tagle in a rak sim bet.

         A hlan ih Manila Archbishop Cardinal Tagle in October 24 ih a thleng ding mi leitlunhuap rian tuannak Zarhpi ni hrang ih tuah mi thurel khawmnak ah a rak sim mi khal a si. 2021 cu Philippines Catholic Pawlpi hrangah Catholic Khristian um nak kum 500 kim an tuah kum khal a si. “Riah tuantu pawl dinhmun in Philippines miphun tamsawn cu leitlunhuap ah an thlen thu, Puithiam, Sr. pawl lawng si lo in milai dinhmun in Bawi Jesuih thuthangtha leitlunhuap ih teette khaan dingah a phunphun in a thleng tu tampi an um” tiin khal Cardinal Tagle in a rak sim.

         Hi thuthang cu CNA thuthang ih kan ngah mi a si.

https://bit.ly/3jrlwNC