Asia Pathian thuthangtha aw thlah nak zung, RVA (Urdu) tong ih thuthangtha thlah nak cu Pakistan ah an thok. July29, 2020

Asia Pathian thuthangtha aw thlah nak zung, RVA (Urdu) tong ih thuthangtha thlah nak cu Pakistan ah an thok. July29, 2020

         Pakistan ram ih um Christian pawl cu a tu ah an zumnak hngetkhoh deuh nak ding hrangah Christian aw thlah nak zung cu ti dan thar thawn tuah sal in an thlah thlang ding a si.

         Hi vek ih thlah nak cu a voikhat nak si. RVA Urdu aw thlah nak cu July 25 ni in an thlah thok thu cu Islamabad-Rawalpindi khuapi ih Archbishop Joseph Arshad in a rak sim. Bishop in Kawhhranpi pawl hnenah Diocese ih thuthang le remdaih nak, duhdawtnak thlah dingah Video sungin a rak forhfial.

Lahore parah bunaw in aw thlah nak zung in tlawngkai ninga tin ten minute 20 hrang Internet par ah an thlah ding a si. An thlah ding mi ah kiangkap pawl thawn pehpar mi thuhla, minung pawl ih co ding mi caan tha, remdaihnak hrang cangvaihnak pawl, fimthiamnak, zaangfah lainat nak hnatuan, kawhhranpi pakhat le pakhat upat pek nak ti vek a phunphun a tel ding a si.

Aw thlah nak zung cu nunphung pawl lawng si lo in Pathian thuthangtha a thupit dingih Diocese pi khal siseh cun pakhat le pakhat rualrem nak tha pek nak pawl an tuah ding thu cu tuanvo nei tu Siangbawi in a rak sim.

Hi aw thlah nak zung ah ram thuthang le sumdawn nak thuthang pawl thlah an awn lo thu, hi Asia aw thlah nak zung cu Asia Bishop pawl pawlkom ih tumtah mi pakhat a si. Urdu tong ih aw thlah nak cu 1987, August 14 ni in Pakistan, India le nitlak nak lam Asia lam ih um Kawhhranpi pawl hrangah a thupibik in an thlah mi a si thu Fr. Freroz in a rak sim fiang.

Pakistan ah Facebook rikhiah nak pawl a um. Kan dung rei lo te ih an thlah mi Asia aw thlah nak zung cu Pakistan ih um mi Catholic aw thlah nak zung pathum sung ihsin pakhat a si. Kum 2016 ah Pakistan Electronic upadi in ram sung ih an thlah mi Christian aw thlah nak zung pawl zaten an rak phit sak.

Biaknak lam le  ram dangih an tuah mi pawl thawn hnawihnih aw ding an siang lo. Curuangah Internet thawn biaknak lam thuthang, Pathian tongkam hlawm awk nak cu thleng awk ih tuah nak ding thu ah a rak cang. A hlan Isaac Video programme ih director dinhmun ih tuanvo neitu in Christian aw thlah nak zung 20 hrawng a um ko nan ziang vek line khal in Internet line pawl thawn an rak thlawh dah lo.

An zaten harsa zet in an rak thlah. Kum za rori hrem a tuar mi thu nei tu pawl ih hnaihnok nak ih luat dingah thlah mi programme pawl mal deuh nak, thudik pawl thup nak pawl a rak um. Biaknak par ih bun aw mi thinlung thawn do awk nak thuthang pawl vekin Biak nak lam ih thinlung thawn pehpar mi lawng an thlah thei.

Kum  2020, kum tinten an tuah theu mi vek a si le American par ah bun aw in ram tinkim thawn pehpar mi biaknak zalen nak caantha thawn pehpar mi Commission ih thuthang pek mi ah Pakistan ram cu Biaknak lam zalen nak sun nak upat mi ram a si.

Tu san cu Online san a si. Kan dung tlawngkai nithum ni ah thlang lam ih a cozah ih kham mi thuhla ruangah acozah ih kham mi thu pawl, daan le ralkap thawn pehpar mi a hman lo mi thuthang thlah nak, cu vek pawl a um a si le phit ding tin an rak suah.

Hi online aw thlah nak programme pawl ih telh lo ding khal ah zaangfah a dil. Hi Online aw thlah nak programme a thok hlan ah Biaknak ca pawl an rak zem. Asinan, tu ih TV programme lam ih hawi nak thu, a thupibik in a tu vek ih pulh nat sia a thlen caan ah hi vek ih ti nak cu a kaih bik ih hi pulh nat in leilungpi a thleng aw ter. Pakistan ram telephone zung thu nei tu pawl ih an sim nak vek a si le Lockdown an rak than nak March 24 ni ihsin thok in hi caan sungah Internet a hmang tu zateek 15 tiang an rak thang tin a sim. Hi thuthang cu July 29, 2020 ah Vatican thuthang ih kan ngah mi a si. 

https://bit.ly/2XGpojd