Asian Bishop pawlkom ih thu rel tlangnak Covid-nat nak ruangah ni an thawn. May 4, 2020

Asian Bishop pawlkom ih thu rel tlangnak Covid-nat nak ruangah ni an thawn. May 4, 2020

Asia Bishop pawl kom cu FABC tin a tawi zawngin an ko theu. Tui kumih an thu rel tlangnak cu  Nov 3-20, 2020 tiang Thailand ram Baan Phu Waan ah tuah dingih an hi sap mi a si.  A ni cu an  thawn sal ih ziangtik tuah ding ti cu a fianghrih lo. Cui FABC paawlkom ih tuanvo nei pawlih thurel nak ding thu cu June thla ah tuah dingin tum mi a sinan tik cu caan that lo nak ruangih an thawn sal nak a si. Tui kum in an thutlang cu FABC ih ho tu bik a si mi Kawlram ih Cadinal Charles Maung Bo le India ram Bombay ih Cardinal Oswald Gracis in lungkimnak lethmat an thu zo a si. FABC pawlkom tam sawn cu lockdown dinhmun ah an tel. Curuangah thuanthu a tang ding mi thimnak in a khuh mi leitlun cu nasa zet in a  tuar a si. Hi ti vek din hmunah hin Pathian rinsan a tul zia theih a si ih, kan zumnak khal cu a tam deuh a tul a si.

           Hi mi pawlkom ah Asia tlanglam, Asian ramih ni suah nak lam le Asia ram ih a laifannak ram pawl an tel ih an thu pit mi cu lungrual ten umnak ding le Diocese thu le Asian ram sungih nunphung thu lamah pakhat le pakhat rawn aw tlang dingin a si. Hi pawl kom cu 1970 November 28 ni ih Pope Paul VI in Philipine ram a tlawn lai ih Asia Catholic Bishop 180 an tonawk nak ih an din mi a si ruangah tui kum cun kum 50 a kim thlang ding asi. Pope Francis khalin kum 2019 November ih Thialand ram a tlawn laiah FABC Bishop pawl thawn Bangkok ah an tongaw ih hi tin a rak ti, hi pawl kom ih kum 50 kim kum cu missionary pawl ih an rak thawh mi hmun le ram ah nan tlawn le a tha ziangah tile an tan ta mi keneh pawl kha kilkhawi ding le sunzom ding a tul thu parrhesia khal thang so dingin tuah a tul thu, cu ti lawngah pawlpi le Asian kiangkap a thar in a um dingih thuthangtha khal kan karhzai ter thei ding tiah forh fial nak a rak nei a si.

   https://bit.ly/2La5czb