Avei 125 nak Plenary assembly hrang Philippines Bishop pawl Manila ah tong aw khawm ding.

Avei 125 nak Plenary assembly hrang Philippines Bishop pawl Manila ah tong aw khawm ding.

January 27, 2022

          Philippines ram huap ih Philippines Catholic Bishop pawl cu avei 125 nak Plenary assembly hrang January 28 -30 tiang Manila ih Pope Pius Xii Catholic Center ah tongkhawmnak an nei ding. Tuitum an ton awk nak ding cu 2020 pulhnat ihsin CBCP pawl mipum in tumhnihnak an ton awk nak a si.

          A tu ah CBCP cu cangvai tu Bishop 88 an umih, Diocese 2 le acawl zo tu Bishop 38 an um. CBCP secretary General Msgr. Bernardo Pantin in an thurel tlang nak cu rampi ah ralthatnak thawn ramdang thawn khal pehpar nak pawl an rel khawm tiin a sim.

          Adang an thulu pawl cu (1) Puithiam nunram ih hrilnak program, (2) Praedicate evangelium le local conference thawn pehpar mi, (3) Philippines ih Permanents diaconate aamahkhan nak pawl an relkhawm. Kalcokan le a tu CBCP ih president Bishop Poblo Virgilio David in a hoha dingih Pasig ih vice president Bishop Mylo Hubert Vergara in a bawm ding.

          CBCP ih thuneihnak thil um daan cu plenary assembly in a aiawh ih himi tonawknak cu tuah daan kel vekin kumkhat ah January le July ah tumhnih tonawk nak an nei.

          Msgr. Pantin in plenary assembly cu episcopal conference le cui commission le office pawl kumthum sung Bishop pawl seminar in hmai an hruai. Seminar cu kiangkap, episcopal conference ih cangvaih daan, Bishop thar le hlun pawl a hleice in tuah a si. Himi thuthang cu RVA thuthang ihsin kan don mi a si.

https://bit.ly/3Y6j1T3