Avila khuapi ih St.Teresa cu a thlacam nak in mi maksak nunau pakhat a cang ter tiin Pope Francis a sim (April 13, 2021)

Avila khuapi ih St.Teresa cu a thlacam nak in mi maksak nunau pakhat a cang ter tiin Pope Francis a sim

April 13, 2021

            Pope in Avila khuapi ih St.Teresa hnen Pawlpi ih doctor buaih a pek nak kum 50 kim hminsin nak tuah nak in Pope in “St.Teresa cu Pawlpi le pawlkom pawl karlak ah nunau pawl ih sinak a lang ter nak cu tuini ah amah a thupit tuk thu” thuk zet in a sim. Pope Francis cu Avila khuapi ih Archbishop “Gil Tamayo of  Avila” hnen ih a kuat mi ca ah St.Teresa cu Pawlpi ih doctor buaih a ngah tu a hmasibik nunau asithu Pope Francis in a sim.

            Cumi buaih hmin cu “Pathian in kanmah minung pawl hnen a ca ngan mi le a um tlan daan pawl thawn langsar ter nak ihsin zirh mi man a nei zet mi zirh nak a si thu” Pope in a sim. A liam zo mi kum 50, kum 1970 kum Sep 27 ah Pope St. Pawl VI cu St.Teresa cu Pawlpi ih doctor buaih a pek. Avila khuapi ih Catholic phunsangtlawng khal himi a danglam mi Spain nunau hnen a hlan mi phunsangtlawng asi ruangah Pope Paul VI amah rori in a pek mi “a dang lam mi nunau” thulu tang ah thuan thu um tlak hminsin mi ni cu ramtin thurelkhawm nak ah tuah in, April 15 tiang tuah asi. “Ral tha zet ih langsar ter nak cu phar pawl ah a lang ter thei. St.Teresa cu 1515 kum ah a rak suak ih 1582 ah a nun nak a cem.

            Pope Francis in a ca sungah St.Teresa ih a thih nak cu kum 1000, hrek hrawng a si zo nan amah ah Bawi Jesuh ih a tlet mi theu nak cu hi leipar ah a tleu lai ih, leipar ah siseh, minung nunram thawn pehpar mi thil khal siseh, minung um daan thawn pehpar mi thil pawl khal a lang ter thei cu raltha mi lang ter nak cu a tul ringring. Pehbet in Pope in St.Teresa ih fimnak le zuam nak a neih nak lang ter nak ah “a hnatuan nak ah a kom tu tinkim a mawi mi thlarau lam ih nui duhdawt nak le lungnem nak pawl a hmuh” tiin a sim.

            Pawlpi ih thuanthu le pawlkom pawl ah nunau pawl ih tel nak ah amah cu a danglam mi dinhmun cu zohthim tlak a si. “Thianhlim nak a hawl tu pawl hrangah thuthang” St.Teresa cu tuini tiang kan hnen ah thu a sim. A ngan mi ca pawl ruangah kan lung a awi. A tongkam le zoh thim a tlak nak pawl cu mi tinkim hrangah a siih, mithianghlim sinak ah kawh nak a um thu a pom tu tinkim lawngah siloi kan hrangah Pathian hnen a feh pi tu thianhlim nak lamzin ah feh ding ah duh nak a nei tu pawl hrang khalah a si. Amah cu kanmah pawl in kom tu rualpi le lerpar ah Pathian hawl nak ah lam hmuh tu tiin neih nak cu remdaih nak le humhim nak a hrampi ih ngah nak a si. Pope Francis cu a thusim nak a cem ter nak ah St.Joseph hnen ih ret mi St.Teresa ih duhdawt nak le zum tu pawl hnen St.Teresa ih a zirh nak pawl le thuthang pawl thuk zet in ruat bet dingah a cah. Himi thuthang cu Vatican thuthang ihsin kan don mi a si.