Baltimore ah Longpi in Lilawn a siat ter hnuah mi runtu ding pawl in a nunglai tu pawl hawl.(March 26, 2024)

Baltimore ah Longpi in Lilawn a siat ter hnuah mi runtu ding pawl in a nunglai tu pawl hawl.(March 26, 2024)

Patapsco tiva sungah Longpi a pakhat a pil mi Francis Scott Key Lilawn a pah ngah hnu Baltimore,Maryland ih a tla tu pawl run dingah an hawl rero a si tiah sim.

Hi thilcang cu Rome tikcu caan zinglam 6:30 am ih a cang mi a si. Kum 1977 ih rak sak mi hi Lilawnpi cu pi 8500 hrang a sau  mi lole kilometer pahnih hrawng a kau mi a si. Hi mi cu American rampi ah hnatuannak tambik sungih pakhat a si ve mi tikap a si ih Baltimore tipi kap le a kiangkap ah motor feh nak hrangah a thupi zet mi pakhat a si. Cu mi ah hnatuantu 15000 ret a siih rampi sumlut ah Dollar 3.3 billion a ngah ter.

Baltimore cu United State ah kum rei bik mi diocese khal a si. Maryland remthen acozah lam uktu Wes Moore in thinphan za si thu a rak than. Harsat tuar pawl run dingah America tikap kil ralkap pawl cu Baitimore Meisathat lam ih hnatuantu pawl thawn kom in an tuan. Harsa tuar pawl run dingah an pum an pe aw.

Container Ship (Longpi) in Lilawn thuampi a taih ngah ruangah Lilawn cimnak a can nak si tiah an sim. Lilawn a cim veten nazi malte sungah Lilawn parih Motor le Lilawn parih hnatuan pawl ziangzat an hlo ti cu theih a si hrih lo.

1812 kum ih raldonak sungah American le British ralkap karlakah Patapsco tiva sungah an rak doawk theh hnuah "the Star Spangled Banner " ti mi a tui America ram hla a rak phuahtu Francis Scott Key in hmin a rak pek mi a rak pek mi a si. Hi thuthang cu CNA thuthangin a tawizawngih kan ngan mi a si.