"A bang aw lomi karlak ah lungrual nakih hminsin nak si uh" tiin Catholic thuthang hnatuan tu pawl hnen Pope Francis in a forh fial. June 30, 2020

"A bang aw lomi karlak ah lungrual nakih hminsin nak si uh" tiin Catholic thuthang hnatuan tu pawl hnen Pope Francis in a forh fial.

June 30, 2020

            Pope Francis cu tuikum Catholic thuthang hnatuan pawl ih thu rel khawm nakah thu a cah. Himi thu rel khawmnak cu Catholic thuthang pawlkom in an bawm ih, an thu luu cu "hlat awk caan ah hmun khat in" timi an hril. Thuthang ca ah Pope in tuar nak a nei tu mipa, nunau pawl midang pawl ih tumtah mi hnaihnok nak a pe thei tu thuthang kham dingah a tul thu a sim.

            Catholic thuthang pawlkom (CPA) cu a liam zo mi kum 100 hrawngah America ram ah din a rak si. An tumtah mi cu "rian tuan nak le lungrual nak" a khih hmuh. Himi pawlkom sungah thuthang a suah tu mipum (225) hrawng an um ih, dangten a suah tu (600) hrawng an tel. Hitluk ih a rei mi an hnatuan nakah tuikum lawngah covid (19) pulhnat ruangah bul pakih thurelkhawm nak tuah a si. Cutivekin Pope khal in a on nak ih thu a sim nak khalah covid-19 nat suan a tuar tu pawl, a hleice in minaa pawl hrangah mai nun nak hman ruat man lo in taksa, thinlung bang nak thawn a tuamhlawm tu pawl a zangfah thu, an kiangnai ih a um thu a tawi zawng in a sim.

            Tui kum thurelkhawmnak hrangah an hril mi thutlang cu thuthang hnatuan pawl hmun khat ih an um tlang thu, cang thei lo mi cang thei dingin ruat in lang ter a si ti an hmuh thu, a hlan ih ton mi thil um daan zoh tikah minung pawlkom awk nak cu minung pawl hmunkhat in kom dingah, a hlat aw mi kiangkap um tu daan nai ten tuah ding ah, a thupi ih tul mi thuhla pawl karhzai ter dingah, thu hman, thu dik thei dingah theih nak kau ter nak ah ziangtluk in a thupit thu, America rampi ih thulu a si mi "danglam zet ih lungrual nak" cu a thupi ah ret in lungrual nak in dang lam nak a ken thu, cutivekin midang that nak hrangah a tuan rero mi khal a si ding thu, himi thil cang mi ih buai nak pawl ti daan a phunphun ih a dang lam mi tuisan ah cui thu a thupit thu, Catholic kawhhranpi si nak khal in, hmu lo, thei lo vek in um a ngah lo thu, nunnak hum dingah le bulpak khal in siseh, pawlkom khal in siseh, a felfai mi tong khawm awk nak le thuhman sim awk nak pawl a nuam te ter tu, hmuh thei mi le hmuh thei lo mi a tul lo mi daan pawl hlon dingah bulpak thawn a pehpar tu lilawn vekin a tul thu, minung pawl bawm dingah, a hleice in mino pawl a tha le a sia thleidang thei in, felfai zetin thu potcat thei in thleidannak um lo mi a hleice ih thuhla pawl parah bangran le tha ih thu botcat thei nak phun nei dingah a tul thu, thuhman, nunphung lam lungrual nak le leilungpi upatnak thawn kilkhawi thei dingah thei thiam dingih bawm nakah line par ih hnatuannak  cu a thu pi tuk.

            Khristian sinakin kan zaten khui tawk hmun ih kan um hman ah duhdawt nak thawn nung dingah a tul. Cutilawngah Kawhhran pi cu Jesuh Khrih ah hngekkhoh zet in a thanglian ding. Line par hnatuan nak cu thazang a cak zet mi pum cawm awknak lawng asilo. A ngaingai ih pehpar awk thiam tu pakhat cu mai nunnak ah harsat nak um hman sehla m ipakhat hrangah, mipi hrangah pekaw in hna a tuan. Mah le mah pumhlum ih ap lo asile kanmah pawl cu pehtlai awk nak ah hman zet in tuah a theih lo ding. Kan langter mi thuthang thawn kom lo asile kanmah pawl cu pehtlai awk nak tha tiah ti a theih lo. Nunphung pehtlai awk nak zaten colhhmun pakhat vial a um. Cui colhhmun cu Bawi pathum Pathian pakhat a si. Bawi pathum Pathian pakhat cu a famkim zet mi Pathian inn pi in zem ih, cui famkom nak kha midang pawl hnen ah thudik ih hram thoh mi lungrual nak ah midang zem ve dingah in sawm. Thlarau thianghlim Pathian ih tleu ank, ruah nak tha pawl burh dingah dil phah in zem sal mi thuthangtha cu theithiam in, nat nak a tuar tu pawl ih harsat nak cu ziangah rel loin um pang lo dingah tha pe tu a si ding. Cumi hmuh nak lawngin pawlkom nak ih a siat zo mi miphun thu, thudik lo, sa lo dai lo dinhmun tha zet in a lan thei ding. Pope in Khristian pawl hnenah a hlo thluh mi thu dik le minung si nak hminsin in tuah bet dingah, a tam sawn cun kaa lawng in sim a si-ih, leilungpi cu buai nak le thekdarh awk nak in a khat thluh. Curuangah Khristian si nak in harsat a tuar tu, farah a tuar tu, ziangvek caan tha hman dil dingah a thei thiam lo tu u le nau pawl zangfah in, theih thiam nak thawn bawm dingah Khristian pawl a forh fial. Tuikum Catholic thuthang pawlkom thurelkhawmnakah a thupi ih a rel tu cu Dr. Paolo Ruffini asiih, Cui thurelkhawm nak cu June (30) ihsin July (2) sun tiang tuah ding ah an nemhngek asi.

https://bit.ly/3iGGqXl