Bangladesh’s Rajshahi diocese ih innsungsang Rosary camkhawmnak pawlkom in Borni ih Mangsa Sub-center ah nikhat sung Thianghlim Rosary an cam tlang. November 23, 2020

Bangladesh’s Rajshahi diocese ih innsungsang Rosary camkhawmnak pawlkom in Borni ih Mangsa Sub-center ah nikhat sung Thianghlim Rosary an cam tlang.

November 23, 2020

          “Rosary camtlangin Bawinu Mary cu zohthimtlakah re in thlun tlang uh si,” timi thuluuih ret mi Biaknak lam tlawngah Sr. panga(50) le Puithiam pali (4) tel in a mal bik mipum 230 an rak tel. Fr. Proshanto Aind in Pathian thuthangtha a sim mi ah Rosary in a hlan ah leilungpi a rak run zo ih innsungsang kilhimnak thawn tu khal a ruun ding tiah a rak sim.“Nitin ten Rosary kan cam a tul” tiah Puithiam in a sim ih Bawinu Mary cu thianhlimnak, tlaitluannak le thungainakih zoh thimtlak a si tiah a sim bet. 

          “A mah in kan feh nak lamzin tinkim le ziangtik caan khal ah in bawm a si. Curuangah thla kan cam a tul,” tiah a rak sim.“Rosary cu innsungsang dinhmun si dingih in temkhawm tu hridai a si ti cu kan nunram ah kan thei ringring,” tiah cui cangvaihnak ih a tel tu Sister in a rak sim. Cui cangvaihnakih a tel tu hrekkhat pawl khal in an hmuhton mi pawl an rak hlawm ve.

          “Harsatnak phunkim in luatnak dingah Bawinu Mary hnenah thla ka cam ringring,” tiah Mrs. Irin Costa in a rak sim.Bawinu hnenih a thlacamnak ruangah a besia zet mi a natnak ihsin damnak a rak ngah thu khal a rak sim bet. Mr. Joseph Palma in “Bawinu Mary cu ka upat zet. Ziangah tile nunnak thar i pek. Natnak besia zet ka rak tuar. Bawinu Mary ih huham cah nakin ruahsannak thar irak pek,” tiah a rak sim. Hi thuthang cu RVA thuthang ih kan don mi a si.

https://bit.ly/2J7aFJL