Bangladesh Catholic Bishop pawl in Kawlram ih harsatnak cingfel thei dingah thurelkhawm dingih forhfialnak (April 6, 2021)

Bangladesh Catholic Bishop pawl in Kawlram ih harsatnak cingfel thei dingah thurelkhawm dingih forhfialnak

April 6, 2021

          Kawlram ah rampi dinhmun in thuneihnak lonnak dodal tu duhphorhtu pawl rehnak dingah nunnak a liam ter thei mi tuahmawhnak pawl le mi tampi thah nak cu Bangladesh ih Catholic Bishop pawl in nasa zet in an mawhthluk.

          Bangladesh Catholic Bishop pawl thurelkhawmnak (Catholic Bishop’s Conference of Bangladesh-CBCB) ih diknak le remdaihnak commission ih thuthan suah mi ah ralkap uknak cem dingah le thurelkhawmnak in Democracy dinsalnak ti mi ruahsannak pawl cu Kawlram mipi pawl thawn Bishop pawl in thinkhat lungkhat ten an um thu an rak sim.

          Ramkhel harsatnak tawlrel thei dingah tuanvo nei pawl thawn tongaw in thureltlangnak tuah dingah Kawlram ralkap pawl hnenah zaangfah an rak dil.

          April-6 ni ah Commision hotu Bishop Gervas Rozario in lethmat a rak thut mi thuthang thannak ah Kawlram le ram mipi pawl parah Pathian ih dhdawtnak le zaangfah nak dilnak ah Kawlram ih um Catholic Pawlpi thawn thlacamnak le Bawipai Thi le Sa Biak nak thawn kan tel pi.

          Kan nih Bangladesh ih Catholic Diocese pi le a kiangkap ih um mi Kawl miphun pawl an lungkim pi thu le an mah thawn thinkhat lungkhat in an um thu a rak langter.

          A dang thil pawl hnak in Democracy a duh tu le remdaihnak a duh tu pawl ih natnak le farah harsa pawl kan mah tla kan lo tuar pi ve.

          Lungrualnak le Democracy nehnak hrangah hotu pawl thawn langhngan ih thurelkhawmnak pawl in Kawl ram mipi pawl ih duhnak famkimnak zamrang ten langsar ter dingah Bishop pawl in thinlung tak ih thla an cam sak rero thu an rak sim.

          Kawlram Catholic Bishop pawl pawlkom (CBCM) hotu, Yangon Catholic Archbishop Cardinal Charles Bo in Korea Catholic Diocese pi hnenih bawmnak a dil nak cu Bangladesh Bishop pawl khal in anlungkim thu an rak sim.

          Cardinal Charles Bo in a thuthan ah mipi zaten daiten um dingah zaangfah a dil. Dik lo ih kaih a tuar tu President le minister pawl, hluat daw a mat pawl a thupibik in Daw Aung San Suu Kyi thlah sak dingah tonawkkhawmnak thok dingah ralkap hnenah zaangfah an rak dil.

          Kawlram miphun pawl harsat an tuar le kan nih tla kan rak tuar ve. Kiangkap ram pawl dinhmun khal in Kawlram mipi pawl ih farah harsatnak le namnehnak pawl ruangah kan thinlung a naa.

          Bangladesh Diocese cu Kawlram Catholic Diocese vek in kan tuar pi vek tiin CBCB in a rak tarlang.

          Hi thuthang cu Union of Catholic Asian News ‘UCAN’ thuthang ih kan ngah mi a si.

Credit: CBCM-OSC

Source: UCAN News