Bangladesh Catholic Kawhhran in thingkung ciin nak cangvaih nak pakhat tuah. August 18, 2020

Bangladesh Catholic Kawhhran in thingkung ciin nak cangvaih nak pakhat tuah.

August 18, 2020

            Bangladesh ram Catholic kawhhran cu "Laudatosi" capi kumkim nak tiin thingkung 400000 ciin nak cangvaih nak an tuah. Cui thingkung pawl cu "kan zate ih inn" tiih hmin a nei mi ca ih kum nga kim hngilh lo nak tiin ram pumpi ah tuah ding a si. Cui program cu Dhaka khuapi ah August 14 ah tuah asiih, Dhaka Archdiocese ih Cardinal Patrick D'Rozario in a hoha. Cui canserh ah covid tikcucaan ih daan vek in Siangbawi, Sister le kawhhran mipi malte lawng an tel ih thingkung pawl an cing. Cardinal ih lam hmuh nak vekin rampumpi ih Catholic pawl cu tui kum kumcem hlanah Diocese 8 le Parist a phunphun ah ciin ding a si. Kiangkap thawn pehpar mi Pope ih capi cu 2015 kum May 24 ah Pope Francis in a suah ih, tui kum ah kumnga a kim zo a si. Curuangah 2020 May 24 ni ihsin 2021 May 24 ni tiang "Laudatosi" kiangkap kilkhawi nak kum tiin hmin sin a si tiin an sim.

            Himi cangvaih nak cu Pope ih suah mi ca "Laudatosi" hngilh lo nak ih hleiah an ram mahte uk awknak an ngah nak kum 50 kim kum khal an sunloih thu theih a si. Bangladesh cu Pakistan kut tang ihsin 1971 kum ah luat nak an ngah. Cuihleiah mahte ukawknakan ngah ni hminsin nak asimi Sheikh Mujibur Rahman ih reilote ih a thleng dingmi suah ni khal sunloih nak a si tiin Cardinal in a sim. Himi thuthang cu Vatican thuthang ihsin kan ngah mi a si.

https://bit.ly/3huZre0