Bangladesh Catholic kawhhranpi in "Sersiam nak" an thok (September 1, 2020)

Bangladesh Catholic kawhhranpi in "Sersiam nak" an thok (September 1, 2020)

          Bengladesh Catholic kawhhranpi si nak in "sersiam nak tikcuu caan" cang vaih nak cu August 31, tlawngkai nikhat ni ah an khuapi Dhaka ih Caritas ah an thok. September nikhat ni ihsin October nili ni tiang leilungpi ih Christian pawl cu "sersiam mi par ih tikcuucaan" cang vaih nak thok ding a si.

          Cui cangvaih nak ih thulu cu "leilungpi le mi harsa pawl hrangah ruah san nak Jubilee" ti mi a si. Hi mi puai tuah nak cu kiangkap kilhim nak a thupit thu St. Francis sunlawih nak caan serh a si. Hi mi programme cu 2015 kum ah Pope in September nikhat ni cu nu Pawlpi si nak in "sersiam nak hnatuan kha kilhim dingah thlacam sak nak ni" tiin hminsin in tuah a si.

          Curuangah Bengladesh ram ih Catholic kawhhranpi khal in Pope ih lamhmuhnak cu thlun in sersiam nakih thuthangtha phuang dingah cangvaihnak thawh a si.

          Hi mi cangvaihnak ah a tel tu pawl in thingkung cin dingah ren nak um lo ih hmang heu nak um lo dingah ralring dingah, kiangkap khal kilkhawi dingah an forhfial.

           Caritas Bengladesh ih president Bishop Gervas Rozario in a thianfai ih a hring mi kiangkap tuah dingah kan zate ih inn a si mi leilungpi duhdawt nak hmuh dingah a forhfial.

          Cui caan serh ah kawhhran upa pawl in thingkung phun thum ciing in kiangkap kilkhawinak cangvaihnak thawn hmun khat an um thu an tar lang. Hi thuthang cu September nikhat ni ah RVA thuthang ih kan ngah mi a si.

Source: RVA News

https://bit.ly/3gOAOYF