Bangladesh ih Rajshahi Diocese ah mino pawlkom thuzirnak nei.

Bangladesh ih Rajshahi Diocese ah mino pawlkom thuzirnak nei.

November 15, 2022

            Kan dung thla ah Christo Jyoti Pastoral Centre ih mino pawl hrangah Bangladesh ram Rajashahi Diocese ah program pakhat an tuah. Himi program ih thuluu bik cu “Synodality; communion, participation and mission of the year” biaknak lam caanserh, tel ve nak le Pathian riantuan kum tiin a si. Diocese ih Parish 26 in mino 382 an tel ih cumi ah mino phur zet ih cang vai tu pawl, Puithiam pawl le Sister pawl khal himi program ah an tel. Himi program ih tumtah bik mi cu Christian mino pawl nuntuzia tha pe dingah le Catholic ih zirh daan vekin Pawlpi ah ral that nak langter dingah a si.

            “Atu ih mino pawl cu thaisun ah Pawlpi ih hotu an si ding. Curuangah anmah pawl cu taksa, thinlung, thlarau thawn thaten lamhmuh ding an tul” tiin Rajshahi Diocese ih mino commission hotu Fr.Nabin Pius Costa in a sim.“A fel mi Catholic mino tiin minung pawlkom, innsang le rampi ah thiltha tuahnak, tuahtuannak in a dang Kohhran mino pawl ih zohthim tlak na hmuh thei ding” tiin mino hotu in a sim.

            Himi mino pawlkom caanserh ih an tumtah bik mi cu himi program ihsin himi Diocese ih hmailam mino ah thiltha le man anei mi nunram ngah dingah a si. Himi cu atuvek kum ah lamzin sual le a sual mi thu botcat nak pawl hrial ding khalah a si. Minung nunram a mawi zia zir kan tul. Himi zarhkhat sung program ah Puithiam pawl, Sister pawl le professor pawl in thuluu a phunphun an hril ih Bible, kumhra luan, pawl, Kohhran daan, nuntuzia, synodal Pawlpi timi le Synodal Pawlpi ah ziangvek pawl tuah a tul timi pawl a si. “Thil tampi kan zir ahleice in nuntuzia, thiamnak thangsonak le Kohhran ih zirh mi pawl Pawlpi hrang tuan dingmi le khua le ram hrang tuan ding mi pawl kan zir tiin” timi program ih sungtel pakhat Daisy Maria Topno in sim.

            A dang a tel ve mi Elias Hembram ih a sim mi cu “ziangvek hmuhton mi le zirh mi khal himi program ih zir mi cu Pawlpi thatnak ding hrang hman kan tul” tiin a sim. Himi thu cu RVA thuthang ihsin kan don mi a si.

https://bit.ly/3PCo5va