Bangladesh Pawlpi in mino pawl hrangah national news writing (thuthang ngannak) workshop tuah.

Bangladesh Pawlpi in mino pawl hrangah national news writing (thuthang ngannak) workshop tuah.

          Bangladesh ih the Episcopal Commission for Youth and Christian Communication Center (CCC) in Jan 26-28 tiang Dhaka ah vei 30 nak National Christian Writer’s Workshop an rak tuah. Hi workshop cu mipi pawl bengvarnak thawn pehtlaih thei nak cangan thiamnak thangso dingah, Christian mino pawl thazaang pek ding tumtahnak thawn tuah mi a si.

          Cangvaihnak cu “Image of Christ in the Writer’s Heart” (cangantu ih thinlung sungah Khrih ih zuk) ti mi theme a si ih traditional print platform le online a pahnih ah Pawlpi ih pehtlaihnak lam ministery ah mino ih telnak a thupit. Thuthangca ngan paih tu college le university tlawngta pawl tel in cangvaihnak Bangladesh diocese pawl ihsin mino cangantu 58 an rak tel.

          Episcopal Commission for Youth ih executive secretary, CSC, Fr. Bihash Rebeiro in hi workshop cu cangan thiamnak pawl an thansonak dingin mino pawl thazaang pe dingah a si tiah a rak sim.“Cangantu pakhat cu a ca siartu pawl lakah khua a sak. Cangannak cu sersiammi phunkhat a si ih Pathian ih pek mi tampi a si. Cafang, catluan le catlang tin ih komawknak cu cangantu pakhat ih pawlkomnak a dik ter” tiah Puithiam in a rak sim.

          Barisal Diocese ih Bishop Emmanuel K. Razario in “writing le journalism hrangih thupibik mi cu nunphung, ram, khuapi le minung, mah le mah upat awknak, tlaitluannak le lainatnak lam ruahnak hrang tuanvo laknak ih theihkauhnak a si tiah a rak sim.“Nunphung, innsang, le ram hrang ruahnak tha a neihnak thawngin thuthang dik ngannak le thuthang sual pawl hrialnak thawn midang pawl hrangih zohthim tlak mi sihram aw” tiah Bishop in a rak sim.The Christian  Communication Center ih director, Fr. Bulbul A. Rebeiro in Christian ih manhlat zia tleunak ih tuan dingah a tel tu pawl a rak forhfial.

          Hi thuthang cu RVA thuthang ih kan ngah mi a si.                                                                                                                                                                                                                                                                                                                                                                                                        

https://bit.ly/3HTqjE7