Bangladesh Prime Minister in an ram tuahthat tu Christian community hnen lungawi thu sim.

Bangladesh Prime Minister in an ram tuahthat tu Christian community hnen lungawi thu sim.

           Bangladesh Prime Minister, Sheikh Hasina in ram ih Christian community hnenah ram hrang thatnak an tuah mi ruangah lungawi thu a rak sim. “A thabik in ka saduhthah pawl ka pholang ih Bangladesh ih Christian nan zaten Merry Christmas” tiah Prime Minister in Christmas Message a rak sim.

           “Jesuh Khrih cu thudik le remdaihnak din dingah hi leitlun ah a rung tum. A tongkam pawl upat zet in ka cing ringring” tiah a rak sim bet. Prime Minister Sheikh Hasina in Dhaka ih um Bangladesh thilcinnak lam zinzoinak council thureltlangnak hmun ah Christian pawlkom pakhat sungah video call in a rak sim. Hi caanserh cu Bangladesh United Christian community ih biaknak lam Welfare Trust, acozah pawlkom ih bomnak thawn tuah mi a si. “Kan zaten minung kan si ih sersiamtu pakhat ih sersiam mi kan si. Curuangah si Bangladesh ih zumtu pawl unau vekih kan um tlang thei nak a si!” tiah Prime Minister in a rak sim.

           “Jesuh Khrih in minung zate hnenih thatnak tuah dingah in rak zirh. Kan rampi ih papi bik, Sheik Mujibur Rahman hman in cu mi a zum ve” tiah a rak sim bet. “Mipi zaten bangraannak caantha ngah dingah kan ram din dingin a zuam rero. Cu vekin ram thangso dingih a bawm rero tu pawl zate hnenah ka lungawi,” tiin Prime Minister in a rak sim. Dhaka ih Archbishop Bejoy N.D’Cruze in Prime Minister hnenah Bangladesh ih Christian pawlkom fate a sunsaknak ruangah lungawithu a rak sim.

            “A hrangah thlacam sak cio uhsi. Cu lawngah kan ram thaten a hruai thei dingih Pathian thuthangtha a pholang thei ding,” tiah Archbishop D’Cruze in a rak sim. Porguese Mission tlawng pawl in Bangladesh ah a liam zo mi kum 400 hrawngah Christian zumnak an rak keng. Tui san ah ram mipum 166 million sungin one million hrawng Christian an um.

Hi thuthang cu RVA ih kan ngah mi a si.

https://bit.ly/3XgUquf