Bangladesh ram Dhaka Archdiocese ah Fr Gomes cu bawmtu bishop (Auxiliary bishop) ah khaisang. (May 05, 2024)

Bangladesh ram Dhaka Archdiocese ah Fr Gomes cu bawmtu bishop (Auxiliary bishop) ah khaisang. (May 05, 2024) May 03, 2024 ah Fr Subroto Gomes in Bangladesh ram, Dhaka diocese, Ramna, St.Mary Catheral Biakinn ah auxiliary bishop sinak a rak cohlang. Hi mi Missa raithwinakah Bishop 8, Puithiam le Sister 200 tel in minung 2000 hrawngin bishop Gomes ih Bishop can puaiah thupi zetin an rak hmang. Archbishop Kevin Randall , Bangladesh ram thawn pehpar mi Apostolic Nuncio Md. Faridul Haq Khan, State Minister of Bangladesh's Ministry of Religious Affairs, Cardinal Patrick D' Rozario, CSC le Diocese Bishop 8 in hi puaiah an rak tel thei. Amai thusimnakah bishop Gomes cu Pathian thuthangtha phuangnak ding hrangih a mai ap awknak a langter ih Catholic Community ah lungrualnak le bomawknak a thu pit thu a sim. Mawiten, Lungrual ih kom aw ih tuantlangnak a ruahsan ih a mah le Bangladesh ih um Christian pawl hrangah pawlkom ih thlacam saknak khal tangdornak thawn a rak dil. Ramih biaknak lam state minister a si mi Faridul Haq Khan in Christian biakinn lam ih tuahnak pawl a lawm ih Bishop Gomes khal thinlung nuam in kum tampi dam hram seh tiah thlaza ka cam tiah a rak sim. Biship Gomez cu 1962, Nov 19 ni ah Purbapara khua ah a rak suak. 1989 ah Puithiam sinak a rak ngah ih Pawlpi sungah a ti theitawk in a rak zuamtu a si ih a hnin thei lo mi ap awknak le hruaitu tha sinak thawn lam hruai tu a si. Auxiliary bishop ( a bawmtu bishop) sinak pek a si hlan ah a mah cu Bangladesh ih catholic bishop (CBCB) ah assistant secretary general le holy Spirit Major Seminary ah thlarau lam zoh khentu in le Parish Priest dinhmun khal in rak tuantu a si. Hi mi thuthang cu RVA thuthangin a tawi zawngin kan ngan mi a si.