Bangladesh ram ih a pahnihnak tumbik Bawinu lungdawl ah khawmzawh nak tuah

Bangladesh ram ih a pahnihnak tumbik Bawinu lungdawl ah khawmzawh nak tuah

              Khawmzawh nak pawl sungin Bangladesh hrang a tumbik sungin pakhat asimi Bawinu upat nak hnen ram ih nisuahnak saklam ih St.Leo biakinn Fatima Bawinu lungdawl ah October 28 ah an tuah. Tuikum ih Bawinu hnen khawmzawh nak ih thulu cu “Queen of Fatima, Mother Mary communion, participation and mission” (lungrualnak, tel ve nak le Pathian riantuannak ih Fatima Siangpahrang Bawinu, Bawinu Maria tiin a si.

              Kumtin Bawinu hnen feh theu asinan covid pulhnat ruangah kum 2 colh a si. Tuikum ah cun thawng tampi Bawinu hnen upatnak an pek ih, khawmzawh tu pawl ih thlacamnak cu leilungpi remdaihnak, lungrualnak, khat le khat rem aw dingah l e a hleice in Bangladesh ram sung Bawinu ih thlacamnak thawn remdai dingah thla an cam thu Fr. Bonowary in a sim.

              Missa raithawinak a hoha tu Fr.Gabriel Corraya in a thusimnak ah tuitum Bawinu hnen fehnak cu zumnak ih khualtlawnnak a lang ter thu, a thuk zet mi zumnak, rinsan nak thawn fehnak asi thu, himi khawmzawhnak thawn kanmah pawl cu Pathian ziangtluk in kan zum timi a lang ter thu, Bawinu ih thlacamnak thawn siar cawk lo thluasuah kan don thu, tuini Bawinu hnen khal lungawi thu kan sim ding thu, kan zaten Bawinu ih thlacamsak nak rinsan in leilungpi le kan ram, innsang ram daihnak hrang thla kan cam pei. Bawinu cu thil tha lo tinkim ihsin Pathian pek mi thil ti theinak thawn in humhim ding tiin a si.

              Bawinu lungdawl umnak Diocese ih Bishop Mymensingh khalin Bawinu cu kanmah thawn a um. Kumtin vekin Bawinu duhnak, upat nak, zumnak, rinsan nak le feh ih thlacamnak ruangah himi khawmzawh tu pawl hnen a lungawi thu a sim. Khawmzawh tu  mi pakhat asimi Agnes Cruze khal in himi khawmzawh nak ih tel nak cu Bawinu ih thlacamsak nak ruangah innsang ah thluasuah tampi ngah si thu, kumtin himi program ah a tel thu, Bawinu hnen feh tinten thinlung sung ah remdaihnak ngah a si thu a sim.

              A tel tu tampi khal thlarau lam thazang thar, sunglam remdaihnak an ngah thu khal a sim. Bawinu cu Bawi Jesuh thil ti theinak thawn kan hnen ah a um. Bawinu lungdawl hnen thlen tin in Bawinu tang ah a him ih a famkim in a ruah thu khal khawmzawh tu mipakhat in a sim.

              Himi lungdawl cu India ramri asimi Garo tlangah a um. Cui hmun ah Catholic mipum 82000 luan an um. Khuapi ih nisuahnak saklam 200km hrawng a hlat nak Diocese a si. Diocese ah Jamalpur, Kishorganj, Netrakona, Sherpur, Tangail, Sunamgonj ramthen pawl an tel.

              Himi Bawinu hnen khawmzawh nak cu Bangladesh ram ih Catholic pawl hrang mi theih tam mi thlarau lam khualthawn nak a si. Mi theih tam mi khawmzawh nak cu khuapi ih Gazipur ramthenn Nagari ih Padua khuapi ih St.Anthony lungdawl ih khawmzawh nak le Chittagony ramthen, Diang ih Lourdes Bawinu lungdawl a si.

              Covid pulhnat a can hlan kum tiang kumtin khawmzawh nak a um. Tuikum covid theh in, ahmaisabik tuah nak a si ih khawmzawh 60000 luan le Puithiam 39 an tel. Himi lungdawl cu 1997 Pope St.John Paul (II) ih thlarau lam forhfial nak a simi Bawi Jesuh suahnak Jubilee (20000) hmuah nak thawn zumnak ih khual tlawn kum von mang nak thawn din mi a si. Muslim, Hindu pawl khal in sunloih nak an pek tiin an sim.

https://bit.ly/3Oflzdv