Baptism sanhlan le sanhnu taksa a thleng aw mi naute ih zuk online par ah mi rel tam. (January 9, 2022)

baptism_san_hlan_le_sanhnu_ih_a_hmel_lamdang_tu_naute_online_par_ah_mi_in_zoh_tam

Baptism sanhlan le sanhnu taksa a thleng aw mi naute ih zuk online par ah mi rel tam.

January 9, 2022

            Mangbang za asimi a mawi zet mi fanu te ih Baptism san hlan le san hnu an zuk mi cu online facebook ih an post nakin mi tampi in an zoh. Cui zuk tang khalah “fate nan neih tikah zamrang ten Baptism sang ter cio uh” tiin khal ca tawite ngan in Khristian nupa pawl hnen a forhfial.

            Himi zuk cu cui naute Baptism a pe tu Fr.Gabriel Vila Verde in a facebook par ih a post nak a si. Baptism a sang tu naute hnen Maria Flor hmin thawn Baptism a pek. Hitivekih a tarlang nak cu langsar ter duh, lar in mi tampi theih duh ruangah a si lo. Biaknak lam thuhla pek duh ruangah a si thu, cui biaknak lam thu cu Baptism san hlan le san hnu zumnak thawn naute ih thlarau lam dinhmun lawng thleng nak siloin theih thiam rori in taksa lenglam khal a thleng nak cu nupa pawl hnen theihter duh nak tumtah nak thawn tarlang nak a si tiin a sim.

            Cui nauhak cu Brazil ram, Bahia in a si. Baptism thluasuah a pe tu Puithiam in online ih a post mi zuk tang ah a tanglam vekin a ngan.

            “Himi zuk cu Maria Flor ih zuk a si. A nu le pa cu Lauro de Freitas ka rualpi an si. A hmaisa zuk cu Baptism san hlan malte a duh ih zuk mi a siih, a pahnih nak zuk cu Baptism san hnu malte a rei ih zukmi a si. Himi zuk pahnih ih danglamnak na hmu maw? Zoh hnik uh. Taktak ah cun Saramentu san hnu ih a thleng aw mi kan thlarau dinhmun cu kan mit thawn hmu ding timi cu a cang thei ringring mi asilo. Pathian ih thluasuah a rong tum mi khal hmuh a theih lo. Asinan, Maria Flor parah thilcang mi cu a lang lam. Ziangruangahtile Saramentu sannak ih thluasuah cu mit ih hmuh thei ding tiang thlengawk nak cu mah rori in hmuh a si ruangah a si” tiin a ngan. Himi ca tawite thawn Fr. Gariel in “Fa neih veten a zamrang thei bikin Baptism sang thei dingah zuam uh. Pathian ih fate si theinak famkim kha tik cu tlai ter hlah uh” tin khal ngan in a forhfial. Himi thuthang cu Aleteia thuthang ihsin kan don mi a si.

https://bit.ly/3feABQh

 

 

Add new comment

2 + 6 =