Baptisma pe tu Johan cu Bawi Jesuh Khrih langsar ter dingah kanmah pawl in zirh thu Pope in a sim June 24, 2020

the_nativity_of_saint_john_the_baptist.jpeg
the_nativity_of_saint_john_the_baptist.jpeg

Baptisma pe tu Johan cu Bawi Jesuh Khrih langsar ter dingah kanmah pawl in zirh thu Pope in a sim

June 24, 2020

          Kan nu Catholic Kawhhran pi cu kumtin June thla (24) ni ah Baptism petu Johan ih suahni puai tuah a si. Kan nu Catholic Kawhhran pi ih Pathian biak khawm nak program ah suah ni puai tuah mi mi pathum lawng an um. Anmah pawl cu Bawi Jesuh, Bawinu Maria le Baptism petu Johan tla an si. Baptism pe tu Johan ih suah ni puai cu puaipi ni ih tuah mi puai (Solemnity) ih tuah a si.

          Tui kum ih June thla (24) sun cu nithum ni a ciah. Nithum ni cu leilung pumpi ihsin a ra mi khawmzawh tu Kawhhran mipi pawl le Pope an ton awk ni a si. Cumi an ton awk lai ah Pope in Bawi Jesuh a rat ding thu lamzin sial tu Baptism petu Johan hnen ihsin Jesuh Khrih raltha zet in lang sar ter dingah zir tlang dingah, nunphung, ramkhel, dan phung, hmun le ram a bang aw lo nan, bangran ten um dingah le duhdawt nel awk nak kha hram toh in zum nak phuangtlang dingah, Baptism petu Johan khal siseh, David siangpahrang khal siseh, minung pawl a hman mi Pathian hnen ziang tin hruai ding ti tha zet in an theih thu, an um daan tha cu kawhhran mipi pawl hrangah tha zang lak nak ding, thatho nak a si tiin thla a cam thu,

          Cutiin, Pathian thawn duhdawt nak cu thlacam nakin hawl ding asi thu, cutivekin  kan um daan tha khal kiangkap ih minung mipa, nunau pawl hrangah tleu nak a siih, cui tleu nak in anmah pawl Pathian hnen an thleng ter thei ding thu, a tu Europe ah thal caan a thleng ih, himi thal caan cu Pathian kut ih tuah mi ruat dingah a tha bik mi caan tha a si ding thu, cutivekin covid-19 pulh nat kiang in colh caan ah daiten cawl thei nak caan tha, sersiam tu ih tuah mi cu tha zetin tep thei nak caan, Pathian le minung karlak ih kai awk tu a khoh khah ter tu caan sihram seh tiin thla a cam thu a sim.   

https://bit.ly/386yQQF

Add new comment

15 + 5 =

Please wait while the page is loading