Bawi Jesuh a suah nak leiram ROACO in an ruah san June 21, 2021

Bawi Jesuh a suah nak leiram ROACO in an ruah san

June 21, 2021

            Cangan tu amah rori ROACO cu pawlkom pakhat ih hmin asi timi cu himi ca tong let hnu lawngah theih a si. ROACO cu ziang pawlkom hmin a si. Nisuah nak lam Kohhran pawl kom sal nak tumtah in bom nak pe tu pawlkom (Reunion of Aid Agencies for the Oriental Churches) ih hmin a si. Himi pawlkom cu kan dung tlawngkai ni khat zanlam ah avei 84 nak an thurelkhawm nak cu Rome khuapi ih "tuukhal tha" inn pi ah an rak tuah. Himi thurelkhawm nak cu tlawngkai nili tiang tuah a si.

            Himi pawlkom ih thuthang sim fiang nak ah pawlkom ih thurelkhawm nak cu ni 4 rei tuah asi thu, Missa raithawi nak thawn an thok thu, Missa cu ROACO ih upa asimi  Cardinla Leonardo Sandri in tlawngkai ni hnih ah hoha in a tuah. Himi Missa raithawinak  ah pawlkom a bawm ringring tu a hlu tu pawl zaten hrang thlacam sak ding asi thu, himi Missa raithawi nak in pawlkom ih ruah nak pawlk tumtah nak pawl zaten Bawinu ih thlacam sak nak ngah in relkhawm ding a si thu, thuhla pawl hlawhtling dingah, raldo nak ruang khal ah siseh, tuahmawh nak pawl ruangah siseh, ram khel, nunphung thudik lo pawl, pulh nat cang rero ih harsat nak a tuar tu ram zate hrang an hlan sak.

            Thurelkhawm nak ih nihnih nak, tlawngkai nihnih ah Bawi Jesuh a suah nak leiram ih dinhmun pawl ruat sal in pawlkom in ziang tin a bawm thei ding timi an relkhawm thu, cumi thurelkhawm nak ah Jerusalem khuapi ih "Latin" daan ih hotu upa asimi Archbishop Pierbattista Pizzaballa a thianghlim mi ram a kilkhawi tu Fr.Francesco Patton, Bethlehem phunsangtlawng ih kilkhawi tu asimi Brother Peter Bray pawl khal an tel. Thurelkhawm nak ih a tel tu pawl khal 2020 kum ah "a thianghlim mi zung" ih an tuah thei mi ca khal an hmuh ding.

            "A thianghlim mi zung" lawng siloin Ethiopia ih Pope aiawhtu asimi Archbishop Antoine Camilleri in a hnatuan rero nak ram ih Tigray hmun ih din hmun thawn pehpar aw in thu a sim ding. Ziangruangahtile 2020 kum cem lamah cutawk hmun ah buai nak a um thok. Tui kum tiang a um lai. tigray hmun ah nauhak 30000 laun an um ih, in ei an har thu le mi 400000 luan pawl cu in ei pawl a neih lo thu UN ih thuthan nak in theih a si. Cutivekin Armennia le Georgia ram pawl ih dinhmun khal Pope aiawh tu Archbishop Jose Avelino Bettencourt thawn an relkhawm ding. Archbishop Jose Avelino Bettencourt  cu cui ram hnih hrang Pope aiawh tu tiin hna a tuan rero.

            Tlawngkai  ni thum ah cun thurelkhawm nak ih thu rel mi cu "nisuah nak lam alai hrawng" ih dinhmun an relkhawm ding. Ahleice in Syria le Iraw ram ih  dinhmun an relkhawm ding. Vatican ih ram tin thawn pehpar mi secretary Archbishop Pawl Richard Gallagher khalin thu cah asim ih, Syria dinhmun thawn pehpar in Pope Francis ih a ret mi a aiawh tu Cardinal Mario Zenari khal, Lebanon hrang Pope in a dangten a ret mi aiawh tu Archbishop Joseph Spi teri, Iraq ram hrang Pope ih aiawh tu Archbishop Mitja Leskavar pawl khal thu a phunphun an sim ding. Himi thuthang cu Vatican thuthang ihsin kan don mi a si.

https://bit.ly/3h5fHUb