Bawi Jesuh Thi le Sa ih dungthluntu nunau nauhak te Ajna George thu hminsin nak video zuk thok (March 29, 2022)

Bawi Jesuh Thi le Sa ih dungthluntu nunau nauhak te Ajna George thu hminsin nak video zuk thok

(March 29, 2022)

              India ram thlanglam ih Kerala ramthen ih Verapoly Catholic Archdiocese ah Bawi Jesuh Thi le Sa duhdawt zetih, a zum zet tu nunaute Ajna George thu cu video hminsin dingah an zuk zo. Amah cu “Apostle of The Eucharist” (Bawi Jesuh Thi le Sa ih dungthluntu) tiin duhkawh in an ko. Hitiin video an zuk nak cu Kohhran hrang a pekawk nak hminsin duh nak ruangah a si.

           Amah cu “Jesus Youth” (Bawi Jesuh ih mino) pawlkom pakhat khal a si. Bawmtu professor khal a si. Cancer nat nak thawn January 21 niah Kochi ah a thi. A thih caan ah kum 27 lawng a si lai. Ajna Mithianghlim khaisang nak hrangah Diocese ih Bishop le Kohhran sung pawlkom pawl khal an phur zet. Asinan biaknak lam mi pakhat Mithiaghlim khaisan thei nak dingah a thih hnu a malbik kum 5 hngak a si theu. Cui hnu lawngah thu suah theih a si.

           Ajna ih thlarau lamhmuhtu Puithiam asi mi Jean Felix Hattassery khalin Ajna cu cancer nat nak besia zet in a tuar nan Bawi Jesuh Thi le Sa a duhdawt ih, Bawi Jesuh Thi le Sa sang dingah a duh zet thu a sim. Ajna cu Bawi Jesuh ih harsat nak lamzin cu rundamank a ngah thu cu a nunram in a lang ter. Ajna nunram cu Blessed Carlo Acutis vekin Bawi Jesuh Thi le Sa Saramentu a duh zet tu a si. Ajna cu nauhak lai in Bawi Jesuh Thi le Sa a zum zet tu a si. A nat nak zaten Bawi Jesuh Thi le Sa sangnak, biaknak thawn a tuar. Pathian ih thawm huham hrangah a hlan. Ajna cu a caan netabik khalah Bawi Jesuh Thi le Sa a sang hnu ah lungawi zet in a nunnak a cem. Himi thuthang cu Licas thuthang ihsin kan don mi a si.

https://bit.ly/3x6DEUU