Bawi Jesuh Thi le Sa puaini ih Pope Francis ih sim mi (June 14, 2020)

Bawi Jesuh Thi le Sa cu a kuai ol zet mi kan cinken mi pawl a dam ter tiah Bawi Jesuh Thi le Sa puaini ih Missa raithawi nak ah Pope Francis in a rak sim

          June ni 14 cu Bawi Jesuh Thi le sa Puaini sunglawi, zarhpi ni a si. Pope Francis in Bawi Jesuh Thi le Sa cu siat suah awl le a kuai awl mi kan cinken mi pawl ziang ti vekin in dam ter timi thu le kan zaten lungawi nak a keng tu pawl si dingah in forhfial thu an rak ruat khawm. Cui puaipi ih Missa raithawinak cu St. Peter Basilica ah an rak tuah. Cui raithawinak ah kawhhran pi minung 50 hrawng an tel. Missa raithawinak a cem nak lamah Bawi Jesuh Thi le Sa thawn thluasuah lak nak thawn an cem ter. Kan cinken mi in kan thuanthu kau deuh in a sim ter.

          A thusim mi sungah Pathian ih siar cawk lomi thluasuah pawl theih ding a thupit thu le thil cinken mi um lo nak cu thingkung ih a tul mi dawm pawl a pe tu a hram cu leilung ih laak hlo vek a si ding. Cule a vuai dingih a ro ding, cule thli in a sem hlo men ding. Cinken nak in kan tha in tho ter sal ih a kau deuh mi thuanthu in tep ter a si. Cinken lo mi pawl thawn pehtlai awk nak a nei lo mi pawl cu that hnem nak a nei lo. Kanmah cu Pathian thawn siseh, cun midang pawl thawn kahl in naih ter. Kanmah le Pathian ih pehzom awk ank pakhat ah in hruai thu khal Cathianghlim ah in hmuh a si.

Duh dawt nak ih cinken nak

          Cui pehzom awk nak a cat tikah ziangtin a cang ding? Kan cinken mi thil pawl cu ziangtluk in hngilh a awl ti cu Pathian in tha zet in a thei. Curuangah kan hnen ah cinken mi pawl in tan ta. Cui cinken mi pawl cu tongkam le hminsin nak pawl aiin in cing ter. Cui cinken nak cu Pathian cu ei ding rawl a rak ret. Ziangahtile cui rawl ih a thawt zia a thei tu cun awl ten an hngilh thei lo. A mah in hmuk in tan ta. Cui hmuk ah a duhdawt nak rim a tel. Bawi Jesuh Thi le Sa cu ciin ding menmen a si lo, a tak ngaingai a si. Missa raithawinak ah Jesuh Khrih ih thih nak le thoh sal ank in hmuh a si.

A hman lo cinken nak

          Kan cinken mi pawl tha a mal ter tu thuhla pathum a umih cui thuhla pawl cu Bawi Jesuh Thi le Sa in in dam ter. A thupibik in Bawi Jesuh Thi le Sa in kan palh nak pawl in ngai dam. A khaa ih beidong nak lawng a tong mi cinken nak pawl ruangah an tuar mi pawl Pathian in cui duhdawt nak aiin a tum mi duhdawt nak cu kan nun ah in pek ih in dam ter. Bawi Jesuh Thi le Sa cu Pa Pathian ih rinum mi duhdawt nak in keng sak. Cui duhdawt nak cu hnon a tongmi tuar nak pawlin dam ter. Kan thinlung sungah a thianghlim mi thlarau ih hnem nak thawn in silh khah sak.

That hnem nak pek lomi cinken nak

          Bawi Jesuh Thi le Sa in that hnem nak in pek mi kan cinken mi pawl in dam ter. Cui dam ter nak cu kan mai harsat nak le kan sual nak ih ton awk nak a si. Kan nih cu Pathian hmaikaa ah man nei mi kan si. Amah thawn ei tlang in tlang thei nak caan tha kan nei. Hivekin awn nak cu Pathian in zawn ruah nak a neih ruangah kan mah in duhdawt tuk ruangah a si. Kanneih mi mawi nak le that nak cu amah rori in a hmu ih in duhdawt ruangah a si. Bawi Jesuh Thi le Sa in kan riahsiat nak in humhim sak. Ziangahtile kanmah zianghman that hnem nak pek lomi cinken nak ah, pagang thah nak sii a pek. Curuangah kan mah cu kan thleng aw ih Pathian ih rak keng sak tu le lungawi nak in keng sak tu ah a rak cang.

Kharhkhum mi cin ken nak

          Netabik ah Bawipa ih Thi le Sa cu kharhkhum mi kan cinken mi pawl in dam ter. Kan cinken mi ih a taang mi cinken mi pawl a dam ter. Kan cinken mi ih a taang ta mi hriam hma pawl cu midang kan tih nak thinlung thawn rinhleh nak thinlung a karh ter. Cui that hnem nak ruangah kan mah te lawng in kan um. Cu vek ih um nak in a par ih dinhmun pawl a kilkhawi thei ding tin ruah san nak an nei. A ruah nak cu tuah ngaingai lo mi ruah nak men men a si. Ziangah tile duhdawt nak ih midang ih tin nak thinlung a dam ter thei lo. A hram phot sak a theih lo. Kan thinlung ih kharhkhum mi cu a suak thei lo. Bawi Jesuh kan hnen  ah thinniam nak thawn sangvut vek ih a rung tum. A mah ih in khuh theh mi a hak zet mi a hawng vek a si mi mah le mah ngai san awk nak cu in vuak kuai sak. Kan thinlung a kai ih cang vai thei lo in a tuah ih a hawng khal a cum kuai. A mah cu a thianghlim mi hmuk a rat keng. Hman tlak lo mi buai nak pawl thawn kan nun nak caan hmang men lo dingah in forhfial a si. Bawi Jesuh Thi le Sa cu kan rih rawnnak pawl a dem ter ih mi hrang tuan duh nak thinlung in van sak.

Pehtlai awk nak hlawm awk nak 

          Pope Francis in a thu sim mi cu "Bawi Jesuh thi le Sa in kan mah cu ziang tin kim thawn in peh zom ter. Bawi Jesuh Thi le Sa sung ah Bawi Jesuh cu kan mah thawn nai ding ah in nor. Kan mah khal kan kiang pawl hnen in tlan hlah uh," tiah forh fial nak nei phah ih a thu sim a cawl.