Bawi Jesuh thusim tikah a nung mi asi timi sim dingah Cardinal Tagle in forhfial.

Bawi Jesuh thusim tikah a nung mi asi timi sim dingah Cardinal Tagle in forhfial.

           Bawi Jesuh thu simnak ah nemhnget mi pawl, zumnak pawl tiin sim loin a nung mi asi tiin sim dingah Cardinal Luis Antonio Gokim Tagle in a forhfial. Vatican ih Gospel thu phuang nak zung ih tuanvo nei tu Cardinal Tagle in Philippines ram Mindanao-Sulu ih biaknak lam pawlkom conference ah Khristian zumnak thlaici cu ruahnak menmen asilole nemhnget mi lawng asilo. Bawi Jesuh ih nundan cawng dingah a rak forhfial.

            Bawi Jesuh thu cu thuanthu ih mi tha pakhat thu sim sal mi men a silo. Bawi Jesuh a nung taktak timi thu sim dingah, kan zumnak cu a thangso ding. Cutilawngah Gospel thu a thang so ding. Kan zumnak cu Bawi Jesuh mi tampi in thei ding, duh ding, rian dingah a si. Cutiih tuah lawng cu Gospel thu kan mah ah a karh tiin a ti duh mi a si. Bawi Jesuh ah kan zumnak ruat that dingah, a danglam mi nunnak hlawm dingah le mah thawn nai aw mi zingtin  bawm ding timi sim ding a si.

            Bawi Jesuh ih tongkam cu a mawi. A um daan pawl cu kan cawn ding mi a si. A sim mi thu sia (kan thanaunak pawl in simnak) cu mangbangza simnak pawl a si. Curuangah Mindanao le Sulu ih aiawh tu pawl parah Pathian ih thluasuah tampi’n thleng dingah thla a cam sak thu a sim. Himi thurelkhawmnak cu Mindanao le Sulu ih avei 17 nak tuah mi asiih November 7-10 tiang tuah a si. Pathian ih thu lu cu “The gift of faith and new evangelization as a synodal Church” zumnak thluasuah thawn ke kar nak Gospel thu phuang nak daan thar tiin a si. Cui thurelkhawmnak ah kohhran mi pawl, thukam pathum a la tu nunau pawl, Puithiam pawl, Bishop pawl zaten 275 an tel. Himi thuthang cu RVA thuthang ihsin kan don mi a si.

https://bit.ly/3FioqOR