Bawlung lek thiam saya Maradona a nun nak a cem November 25, 2020

Bawlung lek thiam saya Maradona a nun nak a cem

November 25, 2020

            Bawlung lek nak a duh tu, a ngaina tu, lehpan nak thuthang theih kauh nak tin a siar theu tu tinkim in Armando Maradona a thei lo tu an um lo. A san laiah a mai bawlung lek nak cu mi hmuahhmuah zik te ih an uar zet mi bawlung lek thiam a si. Amah cu November 25 niah a nunnak a cem. Amah cu ramsung lawngah siloin ram tinkim tiang feh suak in a lar mi hminthang pakhat a si. Amah cu 2015 kum ah Pope cu mah rori ih din mi Bawlung lek pawlkom foundation thawn pehpar mi ah a tel. Pope Francis thawn khal rak tong aw tu a si.

            A thu kan rel le tampi sim ding a um. Mifim pawl thu an rel. Thangthar mino pawl fim thiam nak ziangtluk in a tul timi thu pawl an rel. Lehpan nak phuan mi cui mino pawl hrangah thil pakhat tal tuah sak a tul. Ziangruangahtile leilungpi ih then tampi ah thangthar mino pawl in ei ding khop lo nak, rawl ei ding um lo nak pawl an tong. Hitivekin tuah dingah khal kan zaten kan lung a kim. Nan hnen ah felfai ten ka sim asile kanmah pawl cu Pope Francis tha pe tu kan si. Nasa zet in a pom tu kan si.

            Cui kumah Rome khuapi ih Olympic lek nak ah a vei 11 nak remdaih nak bawlung puai tuah in lek ter ih fund hawl a si. Cui paisa cu leitlun ih tlawng pawl, hnatuan ding hawl tu pawlkom pawl, nunphung fim nak a pe tu pawlkom pawl hnen an bawm. Cumi tuah nak ih a tel tu Maradona cu Pope thawn khal tong aw thei dingah dinhmun a hawl vekin a tong thei. Pope Francis le Maradona tei cu bawlung an duh daan a bang aw. Cui tongawk nak ah nel zetin cibai a buk.

            Pope Francis cu Maradona kha a upat nak cu thup loin thazet in a lang ter. Pope cu Brazil Bawlung lek thiam Ronaldinho ih zuk khal a khaan phar ah a tar. Cutivek thotho in Argentina ih Maradona, Brazil ih Pele pawl lakah zo bawlung lek thiam bik asi timi khal a sut theu. Himi thuthang cu Rome Reports thuthang ihsin kan ngah mi a si.

Photo courtesy of; The Straits Times