Beirut ah 2020 ih rak siatsuah mi biakinn ongsal ding June 16, 2021

_{Beirut ah 2020 ih rak siatsuah mi biakinn ongsal ding}

_{June 16, 2021}

            Siatsuah asinak kumkhat a rei zo mi Beirut ram, Lebanon khuapi ih biakinn an onsal ding ih lungawi za thu a si. Cui biakinn cu Jesuit Puithiam pawlin tuanvo an la. Biakinn hmin cu St.Joseph biakinn a si. 2020 ah tihnung zet in thil puak nak ruangih siatsuah mi biakinn cu hmaithla ah an ong sal ding asi.

            A siat mi biakinn cu Catholic karuna pawlkom asimi Aid to the Church in Need (ACN) bomnak a tul nak hmun ah bomnak a pe tu pawlkom ih bom nak in an tuah that thei sal. Biakinn sangka pi cu tuitiang an theh suak hrih lo nan tui thla cem ah an theh ding thu, biakinn sung a leng zuk zuar nak, sii hnih nak le hri pawl ret that nak pawl cu an theh thlang thu, hmailam khal reilo teah an tuah ding thu, kan dung kum pung puak laiah mi 200 an rak thi ih thawng tampi hriamhma an ngah thu tuanvo nei tu Puithiam in a sim.

            An rem that lai ah Engineer pakhat Farid Hakime hnen tuanvo an pek. A puak lai ah thing thawn tuahmi sangka pawl, kangka te pawl zaten a siat vekin luanglu khal lak ding um lo tluk in a siat. Himi biakinn cu 1875 ih rak sak mi a si. Hi mi biakinn in biak nak lam ziang hmuah hmuah a pe thei. Zarhpi ni zanlam ah France tong thawn Missa sumnak, zinglam ah cun English le Araq tong thawn Missa sumnak Missa cu "Maronite" daan thawn sum nak an pe. Sumpai man neih lo nak ruangah a tui remsal nak sumpai cu America dolar 400000 hrawng a cemih, a cem zat a tam nasa. Himi thuthang cu Vatican thuthang ihsin kan don mi a si.

Copyright: free with credit to Photographer

https://bit.ly/3xClSWB