Belarus ih ram khel thuhla remdai nak hrang kawhhran upa pawl hmunkhat ih thlacam nak (August 18, 2020)

Belarus ih ram khel thuhla remdai nak hrang kawhhran upa pawl hmunkhat ih thlacam nak

August 18, 2020

            Belarus ramah ni khat hnu ni khat a tha lo sinsin mi ram khel lam remdai lo nak thawn pehpar in thu dik, rem dai nak le minung si nak lam a cangvai tu pawlkom in do dal tu party pawl a pom thu pawl hmuh suam nak pawl hrangah tih pah nak a um thu a sim. Cutivekin Catholic pawlkom khalin Catholic kawhhran pi ih nunphung lam zirh awk ank pawl vonmang sal dingah cang vaih a si. Cui nu Pawlpi in "Belarus cozah ih dodal tu party le thazang a pe ih a pom tu pawl ziang vek tuah daan thawn khal siseh, thil tha lo tuah nak, a hleice in tuah mawh na ih hmuh suam nak pawl nasazet in a dodal thu" an than.

            Cui thuthan mi duh phorh nak nei tu (7000) hrawng an kaih hnu ih suah mi a si. A tui cozah hnen duh phorh nak cu August (9) hril awk ank ih ngah mi thawn pehpar in thoh na a si. Kum reipi a neh tu a tui rem uk tu Alexander Lukashenko cu rampumpi tah nak ah zatek 80 ih a neh thu an than nak ihsin a thok. A tui duh phorh nak tuah tu pawl cu cui hril awk nak ih ngah mi an zum lo. Cui thu suah mi sungah Europe uk tu thu hman le remdaih na committe ih thu hla um loih kaih tuar mi pawl zaten suah dingah dil nak pawl khal tel in an sim.

            Ram ih thu nei tu pawl khal minung ih caan tha felfai ten thlun dingah, minung nunnak upat dingah, tuahmawh nak ih hmuhsuam awk ank tuah lo dingah, zalen zet ih um thei nak pe dingah, media pawl zalen zet in sim rel thei nak pe idngah, Democracy ih rikhiah mi pawl thlun dingah a forh fial. Thu hman le remdaih na a cang vai tu Catholic pawlkom cu Europe ram uk tu thawn kom aw in a tuvekih thu sauh an than nak cu minung ih caan tha tha lo zet ih a siat bal rero tu mah te ih din mi ram khel ho tu pawl, cozah thawn kkom aw in hnatuan rero tu pawl sumdawn nak lam phih sak dingah a si.

            Himi thu suah mi cu Belarus Catholic Bishop pawlih dil nak khal pom ah a cang. Ziangruangahtile Bishop pawl pawlkom khal in a tui dinhmun felfai ter nakah ramdai in tel tlak mi ram khel upa pawl nunphung pawlkom pawl zaten tel in thil thalo tuah nak cang lo dingah thu rel kham nak tuah dingah an dil.

            Cui thurelkhawm nak ah dodal tu party ih hotu cang ding mi a siih, a tu ahcun Litunia ramah ramkhel lamih a beu tu Svetlana Tikhanovskaya khal himi thurelkhawm ank ah tel ter an duh. Video thuthang ih an sim na ah amah cu reilo te sung ram hotu si dingah a tim tuah rero thu, ram ih a cang mi din hmun cu thiltha lo lam in tuah loin rem dai ten fel ter a theih thu, kaih mi ram khel thu thawn thawngtla pawl kha thlah sal ding a si thu, a hleice ih upadi khal rem a si thu, ram uk tu thar ret ding ah a tul thu an sim.

            Pawlkom pawl hnen khalah thil tha lo tuah nak ih thupek mi thlun dingah a tul lo thu, ram mipi pawl thawn kom aw idngah cutiin ram mipi pawl thawn kom awk tiakah ram mipi pawl in ngai dam in, pom ding asi thu, hitivekih a dai lo mi dinhmun ah Europe ram uk tu ih thuhman le rem daih nak committe in Belarus ram mipi pawl hrangah tumtahin Vancung ummi kan pa thlacam nak cu hmun khat ah ticu hmunkhat ah cam dingah (August 18, 2020) ni thum ni an ram tik cu caan nazi 8 ah an namhngek in Khristian pawl an forhfial.

            Thlacam nak thawn thu hman, thu dik le remdaih ank ngah dingah a si. Russia Orthodox ih biak nak lam hotu Kirill khal ram hrangah thla a cam sak ih, a cang  rero mi buai nak pawl cawl dingah a dil. Kaih nak, kah awk nak tuah rero asinan, ram mipi pawl cu ramuk tu dodalnak a nasa deuhdeuh ih, kaih zo mi thawngtla pawl thuhla um loin luat ank cu an pom. A liam zo mi ni khat niah Lukashenko cet zungah thu suah nak a tong. Ngan cia mi Upadi thar cu mipi pawl hnen a hmuh ih pom nak a ngah hnu hril awk nak tuah ding a si thu, Europe humhimnak hotu in felfai ter dingah dil asinan, Europe ram leng upa pawl in an relkhawm ih tikcu a rei tuk ruangah dinhmun a that lo deuh deuh thu khal an sim.  Himi thuthang cu Vatican thuthang ihsin kan ngah mi a si.

Source: Vatican News

https://bit.ly/2YeG01u