Belgium ih Pope Francis Missa raithawinak ding ticket zuar mi caan malte sungah khawngthluh. (Sep23, 2024)

Belgium ih Pope Francis Missa raithawinak ding ticket zuar mi caan malte sungah khawngthluh. (Sep23, 2024)

Belgium bishop' confrernce in Brussel khuapi ih King Baudouin Stadium( Leknak innpi) ih September 29 ni in Pope Francis Missa raithawinak ding hrangih  ticket an zuar mi cu mangbangza in caan malte sungah an khawng theh. Ticket 32000 cu online in man nei lo in lak a theih ih minutes 90 sungah a cem ruangah an mang a bang. Bawhlung lehnak innpi sungih a dang lethmat 18000 hrawng cu Parish pawl, diocese pawl le a cangvai mi Pawlkom pawl hrangah a dangten an ret thu puai cangsuak pawl kom pawl in an sim.

 Missa sumnak sungah Pope Francis in vila ih St.Teresa ih fanu pawl ti mi  Carmelite Sister a si mi Sr. Ana de Jess le a rualpi a si mi St. John of the Cross kha mithianghlim dinhmunah a khaisang ding asi. Sr.Ana cu kumzabi 17 a thoknak lamah Discalced Carmilites kha France le Belgium ram lamah karhzai dingih tuahnak ah thupi zet in rak tel tu a si. Pope Francis cu September 26-29 tiang Belgium ram ih um khuapi pathum tlawnnak a nei dingih Leuven le Louvain-la-Neuve ih Universities kum 600 kim hngilh lo nak ah Belgium ram a tlawng ding a si. King Philippe le Queen Mathilde, Prime Minister Alexander De Croo le University pahnih ih Professor pawl, tlawngta pawl, Puithiam pawl le Biaknak lam thawn pehpar mi pawl thawn tonnak caanserh a hmang ding asi. KU Leuven ih kum 2023 ih cazin an zohnak ah Catholic mipum cu Belgium ram ih zatek 50% hrawng an um ding tiah an tuatnak ah an sim. hi mi thuthang cu SW news in kan don mi a si. 

Photo courtesy -google image