Biaknak lam cangvaihnak in nauhak taankhat Rosary cam nak ih lungrual dingah ruahsannak a nei. Oct 14, 2020

Biaknak lam cangvaihnak in nauhak taankhat Rosary cam nak ih lungrual dingah ruahsannak a nei. Oct 14, 2020

                      Catholic charity in tui Zarhpini ah leitlunhuap ih nauhak taankhat thawn Rosary cam tlang dingah a ruah san. Aid to the Church in Need (ACN) in October-18, remdaihnak thlacamnak le corona nathrik ruangih a thi tu leitlunhuap ih minung taankhat hnak ih tam hrangah lungrual ten  thlacam tlang dingah a zuam. Ram tinkim thawn pehpar mi ACN ih thuthan tu in October-13, CNA thuthang ah “Nauhak taankhat ih Rosary cam nak hlawhtling ten an tuah thei ding tiah a rak sim.

         Thlacamnak thuhla cu tong 23 a um mi ram 80 ah ACN in theih ter nak an nei tiah a sim bet. Cu mi ih a tel duh tu mi tampi pawl ih hmin pawl cu an website ah cazin an lak hrih lo tiah a rak sim fiang Pope Francis in October 11 ih Angelus thlacam theh ah a rak bawm. Hmai zarh, October 18, the Aid to the Church in Need Foundation in “nauhak taankhat Rosary thlacam tlang nak” lungrual nak le remdaihnak hrangih cangvaihnak a bawm,” tiah a sim.

         ACN cu Christian pawl le a dang tulsam mi pawl a bawm tu pawl ih bawm nak in 1947 ih din mi Pope thawn pehpar mi foundation a si. Kumtin ten ram 140 ih an tumtah mi 5,000 hnak ih tam a bawm. ACN in Gospel ngan tu St. Luke ih puai ni ah October 18 ih kum tin ih an tuah theu mi thlacamnak an tuah.

Hmaisabik an rak thawh nak hmun cu 2005, Caracas khuapi, Venezuela ah a si. An website ih an sim mi vek a si le cu mi ih a tel mi nunau tampi in Thianghlim Mary a um ngai ngai” tiih an ruah rero lai ah lamzin kiang ih hmun thiang ah nauhak pawl in Rosary an cam rero. “St. Padre Pio ih thukam a si mi ‘nauhak taankhat in Rosary an cam le leilungpi a thleng aw ding’ ti mi an ruah phah thu,” an website ah an rak tarlang.

         Hi thuthang cu October 14, 2020 ah CNA thuthang ih kan ngah mi a si.

https://bit.ly/3dxGjem