Biaknak lam khat le khat lungrual dingah zaangfah dil nakah Vatican khal a tel. August 28, 2020

Biaknak lam khat le khat lungrual dingah zaangfah dil nakah Vatican khal a tel. August 28, 2020

          August 27 ni ah Biaknak khat le khat thleng awknak Council le leitlun khawhhran pawlkom pawl Council in, “Biaknak pawl karlak ah lungrual nak thawn hliamhma pawl thawn a khat mi leitlungpi that nak hrang tuan nak,” ti mi ca pakhat a rak suah.

          Hi vek ih tuah tlang nak cu 2019, May thla khal ah, “Christian dinhmun in leitlun Biaknak pawl karlak ih remdiahnak hrangah fimthiamnak pek nak,” ti mi thulu thawn a  hmaisabik an rak suah dah.

Hi ca ah cahmai 24 a tel ih Christian pawl hrangah Biaknak karlak ih lungrual nak cu kan zum nak thuthuk a si mi Bawithumkom Pathian parah a bun aw ih a bang aw lo mi pawl cu Pathian ih laksawng a si tin hmu thei dingah khat le khat ruat tlang ding dinhmun pawl tuah dingah Christian pawl in forhfial.

          Hi ca ih ‘Covid-19 sung le Covid-19 theh ah ruat sal in tuan dingah Christian pakhat ih kawh nak’ ti mi thulu thuai ah ‘Pawlpi sungih um Christian pawl hnenah Biaknak khat le khat lungrual nakih a thuhram le leitlun ih a cang rero mi Covid-19 nat lawng si lo in a dang pulh nat pawl thawn a khat mi leitlungpi hrang tuah ter tu tha pek nak pek sin ding tiin a um.

          Ca ih a cem net nak ah “Christian pawl hrangah Biaknak karlak lunguralnak cu Pathian thukham a si mi mai kiangkap pawl duhdawt ding le Pathian ih duh nak a si mi daih nak ngahnak ding hrangah midang pawl thawn tuan tlang dingih tuah daan” ti mi forhfial nak thawn a cem ter.

https://bit.ly/2EOKuoU