Biaknak lam remawknak khaisannak hrangah Pathian hla (choir) hla zuamawknak puaipi cu Indonesia Bishop pawl in tuah ding. (May 17, 2022)

Biaknak lam remawknak khaisannak hrangah Pathian hla (choir) hla zuamawknak puaipi cu Indonesia Bishop pawl in tuah ding.

(May 17, 2022)

         Indonesia Catholic Pawlpi ih hoha mi Pathian hla (choir) hla zuamawknak puai cu a ralai ding mi October ah an tuah ding. Puai cangsuak thei dingih thurel tlangnak ah Bishop Antoniurs Subianto Benjamin ih a simnak ah puaipi ih tumtahnak cu Biaknak lam zuamnak tha pe dingah a si.

         Puai tuahnak Committee The Insitute for the Guidance and Development of the National Catholic Ecclesiastical Choir Festival (LP3KN) cu timtuah cianak thureltlangnak cu Indonesia ram, nisuahnak Jakarta ih um samadi Pawlpi a laifannak ah May 13 ah an rak tuah ih Indonesia nisuahnak lam Kupang ah October thla ih tuah ding mi Pathian hla zuamawknak hrang timtuah dingah a si.

         Kupan khuapi cu Christian ramthen pakhat dinhmun in mi in an thei tam ih Nusa ramthan ih khuapi a si. Ram khualipi Jakarta cu kilometer 1928 a hla. Indonesia ram Bishop pawl pawlkom ih secretary, Bishop Benjamin khal thurelkhawmnak ah a rak tel ih biaknak lam remawknak hngetkhoh ten tuah dingah a rak sim.

         “Hi puaipi cu Catholic pawl lawng si loin a dang biaknak a zum tu pawl khal tumtah in biaknak lam bangraannak a hngetkhoh ter ding thu le a hngetkhoh mi tahthimnak dinhmun ah puai committee hotu cu Catholic a si lo mi pawlkom dang in a si thu,” Bishop Benjamin in a rak sim bet.

         Hi rampi dinhmun ih thureltlangnak ah Biaknak lam baangraan ter dingin tuahnak ah a thupi mi thuhla pawl reltlang dingah a thabik caan a si tiin Pawlpi in ruahsannak a nei tiah a sim. Bishop ih a rak sim mi cu “hmaisabik ah pakhat le pakhat upat awk lawng si loin tuar thiam nak cu thatho mi ruahnak a si thu, pahnihnak ah milai ih man hlat zia upatnak cu milai sinak dodal mi thil pawl zaten a khalh awk thu, pathumnak ah cui hmun thawn pehpar in nunphung a phunphun ram le ramthen pakhat pum ih nunram hrekkhat ah cohlan a tul ih, palinak ahcun rampihuap dinhmun in 1945, Indonesia ram hramthok updi Bhinneka Tunggal Ika (thentheknak ah lungrualnak) par hrambun ih pawlkom mi Pancasila upat ih thlun dingah a si” tiah a sim.

         Puaituahnak ih a hngetkhoh mi tumtahnak a si mi unau thinlung um mi nunram din dingah cun LP3KN committee pawlkom pawl dinhmun in thuk zet ih ruah a tul thu khal Bishop Benjamin in a rak sim. LP3KN in mipi pehtlaihnak zung hotu Muliawan Margadana khal in Kupangih tuah ding mi Pesparani II puaipi cu unau nunram ti mi a sim duh thu a sim.

         Pesparani hla zuamawknak puaipi cu bangawk lonak lakah rualrem ten unau nunram thawn tlanlen a si kha langsar ih sim mi zuamawknak puaipi dinhmun in hmuh a theih ding. Ziangah tile bangawk lonak cu ram ih liannak pakhat a si thu, cui bangawk lonak pawl ih ken mi lungrualnak hin Indonesia ram a ropi ter ih upat tlak mi ram pakhat ah kilkhawi a theih ding thu Margadana in a rak sim bet.

         Hi Pathian hla zuamawknak puaipi cu Catholic pawlkom hrangah cun artist ih cang mi nunphung lam cangvaihnak ah choir hla phunphun sak nak le zuamawknak pawl zuamnak pawl ah a tel dingih cu pawl cu Catholic Biaknak lam biakthawinak ih hman theu mi Saam hlasaknak, Cathianghlim le lainatnak theihthiamnak pawl din dingah tumtah mi pawl an si. Pasarani puaipi cu Catholic Biaknak lam thinlung um tu daan le Pathian thangthat biakthawinak tuah mi zumnak lam puaipi pakhat a si tiin khala  sim.

         Hi thuthang cu RVA ih kan ngah mi a si.

https://bit.ly/3wFBxoS