Biaknak tinkim lungrualnak umnak theinak ding ruat in India thlanglam ah zaanriah heal tlangnak nei.

Vietnam ram ah lothlo pawl hrangah a lak in siikhan an phuan nak kum 20 a kim.

            Vietnam ram ah lothlo pawl hrang a lak in siikhan an phuan nak kum 20 a kim ih Vietnam ram ih harsat nak hmun ih lothlo pawl hrangah a lak in siikhan pawl cu Xuan Loc Diocese ih an phuan nak kum 20 a kim zo. Cui siikhan cu Diminican Sister pawl in 2002 ah Phu Cuong Diocese Thai Xuon parish ah an phuan. Himi parish cu Vietnam ram thlanglam ah a um. Himi hmun cu mi an tam ih hramlak khal a tam zet mi hmun a si. Hramlak a tam ih ramsa pawl khal an tam. Hramlak a tam nak ruangih a tel mi malaria nat nak khal a um. Catholic mi pawl, Puithiam pawl, Sister pawl in cutawk hmun ah rian tuan dingah um thei dingah an zuam rero tiin an sim. Cu tawk hmun cu leirm a that tuk ruangah cicin nak a tha zet.

            Vietnam ram ih mi pawl a hip thei ih kum tin leiram that nak ah thawn in a um tu pawl an tam vivo. Cu tawk hmun ih lo thlo pawl cu hnatuan an zuam vekin an harhdam nak an kilkhawi tha thei lo. Cumi dinhmun ruangah Diminican Sister pawl in a lak in siikhan phuan in an kilkhawi. Kum upa pawl, mino pawl, suakpek naute pawl khal nitin tuamhlawm nak an la. Mina a tam sawn cu mi farah pawl an si thu siikhan tuanvo nei tu Sr.Anna in a sim.

            Sister ih a sim nak vekin thenkhat mina pawl cu parish in an siih, thenkhat cu kiangkap parish in an rat thu, thenkhat cu Catholic mi an lo thu, annih khal sumpai an neih lo ruagnah Sister pawl ih a lak asimi siikhan ah an rat thu, siikhan cu taiyin sii  an hman vekin chemical siivai pawl khal an hmang thu, Sisterpawl ih siilam theih nak pawl thawn lawng asilo. Pathian ih damter nak thawn khal an dam ter thu, thim thawn dawt ih damter nak, exercise tuah nak le ti thawn damter nak tahwn dam ter nak a ngah tu pawl hnen dam ter an si lai ah thinlung daiten, lungawi dingah biaknak lam hla pawl, music pawl, ruah ding pawl ngai ter dingah, siivai thawn lawng dam ter siloin Pathian thu thawn damter nak khal an hman thu, himi tuah daan cu nat tuar caan khalah Pathian rinsan thei dingah, ruat thiam dingah a tul thu zir nak khal a si thu, siivai lawng asilo.

            Pathian ih dam ter nak an co tiin an zum thu an sim. Kum 45 asimi Catholic minaa pakhat cu zangruh nat a tuar ih, a besia. Siibawi in khuai dingah ruahnak a pe. Khuai nan hlawh tling ding zatek 50 lawng a si tiin siibawi in a sim. An hlawhtling dingah hman sim theih a si lo. Damter nak man khal tan 8 (American dolar 4000)hrawng cem ding a si. A besiat ruangah tihnak, riatsiat nak a si. Sister pawl ih siikhan ih dam ter nak thu an theih tikah a nu in sister pawl ih siikhan ah a hruai ih a tuamhlawm ter. A nat nak a besiat ruangah siikhan tuanvo nei tu Sister cu minaa thawn reipi an bia aw. Cuihnu ah St.Martin hnen thalcam nak a cam ter. St.Martin cu minaa pawl kilkhawi tu mithianghlim a si. Cui mina cu nitin siikhan ah a feh ih Pathian hla, Bible ruah ding mi pawl, Bible thu ngai phah in tuamhlawm a si.

            A thinlung ah Pathian cu a tuar mi nat nak ruh cancer a dam ter ding tiin a zum. Nitin missa raithawinak ah a tel ih, Rosaray a cam theu. Nat nak thawn pehpar in tihnak pawl, thil tha lo hmuhnak thinlung pawl a zia. A tu ah cun a nat nak cu a hlan hnakin tampi a zia zo. Curuangah Dominican Sister pawl hnen a lungawi thu, an ruah nak pek nak thawn thlarau lam thawn khal dam ter a si ruangah nat nak a cohlang thei ih, Pathian a zum nak khal a thang thu, curuangah a san a sau vivo ding thu, nat dam ter nak hrang sumpai a ti thei lo nan an bom ih a tha mi damter nak anhmuh thu a ruah nak a sim.

            Ruhnat a tuamhlawm theu tu nunau pakhat khal cui nat nak nasa zet in a tuar nak cu a kut le a taksa a peh awk lo vekin a dai theh. Asinan Sister pawl ih damter nak cu thanau lo in nitin a cohlang nak in a tu cun a dam tuk zo. A dam ver ver tiang tuamhlawm a si hrih ding tiin a sim. Sister pawl dinhmun in kum 20 rei zangfah nak hnatuan cu mi farah mi damlo pawl thawn an hnatuan nak hmuh otn mi vun rel phah in Pathian hnen an lungawi. Ziangruangahtile hivek ih bom thei dingah a hlu tu pawl, bom tu pawl cu ram sung ram leng ih pawlkom pawl khal an tel thu Catholic college tlawng pakhat ah English ca a zirh tu Sis.Mary Nguyen Thi Phuong Lan (Nguyen) in a sim.