The Bishops’ Conference of the Philippines in Bishop David cu president ah hril cia. (July 10, 2023)

The Bishops’ Conference of the Philippines in Bishop David cu president ah hril cia. (July 10, 2023)

          Kalookan Bishop Pablo Virgilio Siongco David (64) cu the Catholic Bishops’ Conference of the Philippines (CBCP) president dinhmun in, July 08, 2023 ah an rak hril cia.

          July 08 ah CBCP ih vei 126 nak plenary assembly sungih hrilnak rak tuahnak hmun, Aklan, Kalibo ih Marzon Hotel ah Bishop 80 hrawng an rak tel.

          Bishop David ih hrilcianak cun, a mai a veihnihnak CBCP president le a dang kumhnih rei a rak tuan mi a langsar ter.

          Bishop David in a thupi zet mi dinhmun pakhat ah lungrual dingah Pawlpi tlawng pawl sawm phah in, nikhua lam ih ton mi harsanak do in ‘cangvaihnak tuah bet dingah’ khal a rak sawm.

          Pasig diocese ih Bishop Mylo Hubert Claudio Vergara (60) cu CBCP ih vice president dinhmun ih rak hril cia mi khal a si.

          Covid-19 pulhnat sungih rak tuah mi hmaisabik online plenary assembly tuah lai ah, Bishop David le Bishop Mylo pawl cu July, 2021, Episcopal conference ah an mai upatnak thawn tarlang mi pawl ah hmaisabik rak hril mi an si.

          Tu ahcun, CBCP ah Bishop 87, Diocesan administration 3, le sunloih tlak mi a cawl zo mi Bishop 43 an um.

          January le July ah Episcopal conference pawl in Bishop pawl in biakthawi daan lam ih pastoral catlang pawl ihsin thubohcatnak thawn nithum sung assemblies an rak tuah.

          Tui Bishop pawl cu conference thuhla pawl nemhngetnak hrang sungtel tul mi pawl in thenhnih-thenthum vote peknak thawn hril mi an si.

          Cu vekin, a cawl zo mi Bishop pawl khal thureltlangnak ah an tel thei ko nan vote an pe thei lo.

          Council in January le July thla, CBCP ih thureltlangnak pawl le thubohcatnak pawl a then cat sak.

          Hi thuthang cu RVA thuthang ih kan ngah mi a si.