Brazil ram ah Thinglamtah tumpi le Lourdes Bawinu lungdawl ah hlu mi sak. (July 21, 2022)

Brazil ram ah Thinglamtah tumpi le Lourdes Bawinu lungdawl ah hlu mi sak.

(July 21, 2022)

         Brazil ram, Rio do Sul ih Bishop Onecimo Alberton cu July 15 ah a tum zet mi Lourdes Bawinu zuk pakhat le dar ih tuah mi Thinglamtah pakhat khal thluasuah pe in an rak phun. Bawinu ih zuk cu Rio de Janeiro ih um Bawi Jesuh ih zuk hnak in a tum sawn. Tu ahcun an sak theh zo ih thlasuah pe ih on mi Lourdes Bawinu Biakinn cu Brazil ram Santa Caritas khuapi ah a um.

         Mithianghlim John ih Cathianghlim sung vekin Bawi Jesuh Thinglamtah parih an thlai lai ah Bawinu cu Thinglamtah kehram ah a rak din kha hi tlang parah kutthiam thawn langsar ih tuah mi a si. Hi hmun ih retnak thawn khuapi siseh, a lan tu zo zo khal thluasuah pe in a kilkhawi ding tiah a sim. Hi sak mi sungah cui hmun thuneitu pawl, mi thiam zet pawl an rak tel thu le phuan puai ah mikhual pawl khal an rak tel thu Bawinu Biakinn ih facebook cahmai ah a rak tarlang.

         Bawinu zuk cu Ituporanga tlang ah a um. Hi tlang parah Lourdes Bawinu lungdawl a rak um. Hi Bawinu lungdawl ah khawmzawhtu pawl cu 1949 ihsin thok in an rak upat thu, hi innpi parah Lourdes zuk cu pe 130 a sang ih tan 300 a rih thu, zaan ah meisa a van thu, hi zuk hnuai ah minung 120 tlem mi Biakinn fate pakhat a um ih thlacam a duh tu pawl, Pathian biak a duh tu pawl thlacam a theih. Khawmzawh tu pawl cu cui Bawinui lungdawl zim ah mawtaw thawn siseh, ke thawn kai a theih ih kai lilawn 500 hrawng kai a tul thu, zaan ih meisa an van thu khal a sim.

         A zim thleng dingah kaililawn lakah khal dungthluntu 12 pawl ih zuk fate an tuah. Hi tiin dunghthluntu pawl in khawmzawhtu pawl an kom ih pe 40 hrawng a si mi Lourdes Bawinu rak h mu ngah tu St. Bernardette ih zuk umnak lam ah thlen a theih. Bernadette ih zuk cu khuk bil in a kut a pharh ih Bawinu a hun zoh. Bawinui zuk thawn a um ih pe 164 a sang mi Thinglamtah an phun. Khawmzawhtu pawl fehnak remcang dingah inn ah dat Lilawn (elevator) an bun. Khawmzawhtu pawl cu cui hmun ihsin pi 115 tiang an kai thei ih khuapi kiangkap siseh, Ituporanga ih tiva khal siseh nemhnget mi can in an zoh thei. Tu vekih sak nak cu Lourdes Bawinu upatnak hnatuan tu Silcio Prim ih design a suai mi a si. Hi tiin harhsamnak Bawinu hnenah mi dam lo pawl in upat nak pek in thlacam thei dingah a si. Thinglamtah in Bawinu ih hmai nati ten hmuh a theih thu biakinn ih facebook cahmai ah an tarlang.

         Hi thuthang cu CNA thuthang ih kan ngah mi a si.

https://bit.ly/3OA6Atv