Brazil ram hrangah Pope ih a hlu (August 17, 2020)

Brazil ram hrangah Pope ih a hlu

August 17, 2020

            Brazil ram cu covid-19 ih namnuai nak nasazet ih a tuar tu ram pawl lakih ram pakhat a si ve. Curuangah Pope in nathrik ih do nak a tuar tu ram hrangah siseh, nat tuar tu mina pawl le inn sang pawl tanta lo dingah, naiten kilkhawi dingah, zawnruah nak thinlung kha siang zetin lang ter in, duhdawt dingah a thinlung sungin zangfah a dil.

            A tui tuah mi a hlu cu leilungpi ih Catholic kawhhran mipi pawl Popeih a hlu mi thulu tangah bet ih hlut mi a hlu paisa ihsin hluh mi a si. Pope ih a hlu cu Brazil ramih tul mi siizung ih kuat dingmi thuthang cu Vatican thuthang ihsin nikhat ni ah an than. Hlut ding mi harhdam nak thil ri pawl cu ventilator 6 le Ultrasound scan siar nak pawl an si.

            Hitivekih hlut nak cu ruah san nak pawlkom ih zuam nak a si. Himi pawlkom cu Italy ramih hram bun in phuan mi pawlkom a siih, a tul tuk mi nauhak pawl le pawlkom pawl a miat la loin, bomtu pawlkom a si. Nunphung bom nak tumtah mi ahleice in harhdam nak le fimthiam nak kha a bawm tu pawlkom a si. Himi pawlkom cu minun nun nak bawm dingah a sang bik mi fim thiam nak lam thawn pehpar mi harhdam nak lam thilri pawl hlut a si. Thilri pawl kuat nakah khal pawlkom in hoha a si thu, Pope ih a hlu pawl cu tuanvo a la tu Cardinal Krajewski in a sim. A tu kuat ding mi siizung ih hman mi thilri pawl cu Pope aiawh tu in Brazil ah a kuat ding.

            Cutilawngah a tul tu pawl hrangah zangfah nak thinlung thawn hlut asivekin himi thil ri pawl cu a tul ngaingai tu pawl hnen ah a thleng ding a si. Din hmun a phunphun ah Pope ih a hlut mi cu siivai, siizung pawl ah tul mi thil ri pawl a tul rero tu leitlun ram pawl ah a hluih, minung nunnak tampi khal a run thei.

            Leitlunah American ram theh ah Brazil ram cu covid-19 ih namnuai nak nasabik in a tuar tu ram pakhat asi. Ziangruangah tile nat a thoh ihsin tuini tiang nat ngah tu minung 3.3 tan an si ih, a thi tu (108000) an si thu thu thang ah an than. Himi thuthang cu Vatican thuthang ihsin kan ngah mi a si.

https://bit.ly/3la1UNe