Burkina Faso ih Christian pawl remdaihnak hrang ruahsannak nei

Burkina Faso ih Christian pawl remdaihnak hrang ruahsannak nei 

Burkina Faso ih um Christian pawl in remdaihnak hrangah ruahsannak nei

August 17, 2021

          Fr. Antoine Tiabondou cu Puithiam cannak a lak hnu ah a mai hmaisabik kum ruk kim Puithiam nunram cu Brukina Faso ih um Fado N'Gourma Diocese ih pumpe in rian a rak tuan. Rian a tuan rero laiah hmun a remdai tuk ih biaknak a bang aw lo mi mipi pawl thawn an rak tong awk.

2015 ihsin thokin cui a remdai zet mi dinhmun cu a rak thleng awk ih ruah nak luan pawlkom pawl ih tuahmawhnak pawl cawl lo in Christian pawl hmun tin in an do.

Ram ih um daan khal a rak thleng ter verver. 2018 ah khal Father a mah rori suahnak Diocese ah biakinn pakhat siatsuah a tuar. 2019 February thla ah khal riantuantu Spain miphun Diocese riantuan Puithiam pakhat thah a rak tuar.Cui Puithiam thah a tuar ah Catholic kohhran mipi panga (5) tla an rak tel. Cui thilcang cu Muslim pawlkom pawl, Protestant pawl khal an riahsiat thu an rak lang ter.

          Tuah cun Christian pawl ih nunram cu a him nawn lo. An thinlung ruahnak thawn an thin a na. Remdai zetin thin hnangam ten tisa in men caan khal an ngah nawn lo.

Nunnak humhim ding dinhmun ah a cang. Hivek dinhmun sia ah Christian pawl cu an mai zumnak tettikhan dingah hniksak nak an tuar. Pawlpi dinhmun ih mai zumnak cu tuvekin dinhmun sia thawn a tong awk rero nan pelh lo le thlah phoih lo ten teeti an khan rero. Pawlpi pi in ei in pawl le a dang thil tul mi pawl a cang thei tawkin a zem rero. Tuahmawh nak a tuar tu pawl cu Christian pawl lawng an si lo.

          Islam pawl khal thah an tuar. Islam pawl khal thla an cam rero laiah thah an rak tuar. Curuangah Christian pawl lawng hremnak an tuar lo. Fr. Antoine ih Diocese ih Puithiam pakhat cu 2019 ihsin a rak kai ih tu tiang a hlo lan ta.

 A liam zo mi thlahnih ah Catholic Kohhran mipi pawl zarhpi ni Missa sumnak tuah laiah do an ton mi thilcang khal an mang ringring lai. Hi dinhmun cu zumnak a bangaw lo mi mipi pawl thinklung thenthek ter nak si lo in an lung a rual ter sawn.

Hivek harsat nak lakin mipi pawl ih lungrualnak hmuh a theih thu, hi thazang thawn Burkina Faso ah remdai mi hmailam caan din thei dingih an ruahsan thu Fr. Antoine in a rak sim. Himi thuthang cu Rome Reports thuthang ihsin kan ton mi a si.

https://bit.ly/3DjtBfV