Burkina Faso palik (police) in Missionary Brother tuahmawh ngah pang. April 5, 2023

Burkina Faso palik (police) in Missionary Brother tuahmawh ngah pang.

April 5, 2023

          Kum 34 asimi Brother Moses Simukonde cu Africa ih Zambian Missionary Brother asiih, 2023 March 29 niah Burkina Faso ih Ouagadougou ah Burkina Faso ih palik (Police) in a rak tuahmawh ngah pang. Africa ram missionary ih west Africa provicial Fr. Didier Sawadogo in brother ih thihnak thu a rak theih ter. A thih nak cu Burkina Faso cozah in "tragic accident" tiin an ko.

          "Niger le Burkina Faso ah kum 6 sung mission hna a tuan zo" tiin Fr.Sawadogo in a sim. Rome ih Missionaries of Africa representative ih an simnak vekiin "hi thilcang hi March 29 zan nazi 9 ih  kan brother palik (Police) pawl ih check fel nak gate a thlen zawngih thil cang mi a si" tiin an sim.

          "Ralkap pawl in mi pawl tih  nak ding ah vei tampi meithal an kap ih van siat tlak za in Brother Moses an kap ngah ih a nunnak a cem" tiin a sim bet. "Ralkap pawl in kan congregation le missionary Brother innsang hnen ngaidam an dil" tin a sim.

          Brother Simukande cu vanzam thawn khual tlawng mi mi khual a hmuak nak in hiti ih thil cang a tuar. 1988 June 28 ah Zambia ih Monze ah a rak suak ih kenya, Niger le Burkina Faso pawl ah rian a tuan. March 30 ih cozah ih thilcang mi an sim tikah an ram ih hmun 45 ih 22 cu rikhiah nak an tuah.

          A liam zo mi zarh pawl ah an khuapi Ouagadougou tel in Burkinabe khuapi ih hmun tampi ah JNIM le Ansaroul Islam pawl ih siatsuahnak tampi a cang. Tuahmawh tu pawl in khual tlawng pawl ih khual tlawn nak le khuapi karlak ih mi pawl, mosque pawl, Biakinin pawl, cozah innpi pawl, tlawng pawl le ralkap umnak pawl do an tum ringring. Burkina Faso cu nitlaknak Africa ah a um. Apper Volta timi in 1960 ah zalen nak an ngah. An ram ih khualipi cu Ouagadougou asiih an ram laifang ah a um. Cun Atlantic tipithuanthum thawn peng 500 (800km) a hla. Himi thuthang cu RVA ihsin kan don mi a si.

https://bit.ly/40N1Qr8