Calcutta Archdiocese in 2023 Leitlun nunau pawl ni tuah

The church in Kolkata celebrates International Women’s Day at Church of Christ the King, Park Circus, Kolkata in India on March 5.The church in Kolkata celebrates International Women’s Day at Church of Christ the King, Park Circus, Kolkata in India on March 5.

Calcutta Archdiocese in 2023 Leitlun nunau pawl ni tuah

           Calcutta Archdiocese ih nunau pawl commission le India ih Catholic nunau pawl council sungtel pawl in March 5 ah India ram Kolkata, Park Circus ih um Christ the King biakinn ah leitlun nunau pawl ni an rak tuah.

Tuikum ih International Women’s Day (IWD) ih thulu cu “DigitALL: A thar ih thleng awk nak le technonogy pawl cu mipa nunau in bangran ten co dingah” tiin a si.

           Calcutta Archdiocese ih nunau 500 hrawng le Croatia ihsin mikhual pahnih an tel. Program cu Archbishop Thomas D’Souza ih hoha mi Missa raithawinak thawn an thok. Vicar General Father Dominic Gomes le Father Basil Mandi te pawl tla Missa sumnak ah an tel ve.

           Archbishop Thomas D’Souza in mipi pawl hnenah Pope Francis in Bawi Jesuh a hmuihmel thleng ni ih a sim mi, mi pakhat cio ih hringnun ah Pathian thawn tonawknak thu thawi pehpar mi pawl a sim. Hi mangbangza thilcang mi in Jesuh Khrih cu kan hrangah zo a si timi theithiam thei dingin in bawm. Cule, himi kan theihthiamnak in, innsang sungtel dinhmun in amah tong dingah biakinn feh ding hlawptlonak in pe ti’n Pope Francis cun a rak sim. 

           Archbishop Thomas D’Souza in “Pathian in mipa le nunau cu sinak bangran le covo bangran te’n a rak sersiam; zohman a cuangce in a sersiam lo. Nunau nauhak hmuahmuah in fimzir thei nak covo an nei.” “Mipa, nuanu bangran nak cu innsang ih fimzir nak ihsin a thok mi a si ih, pawlkom le Kohhran tin kim ah himi theihnak kauh ter sinsin ding a si. Kan khawtlang nun hrimhrim in thlengawknak kan tul “ tiin Archbishop Souza in a sim.

           “Mino nunau pawl cu anmaih sinak ih zir in Kohhran sung khalah hotu lam ah tuanvo pek an tul. Synod kan timtuah nak ah Synodality ah hmunkhat ten tuantlang ding kan si. Catholic nunau pawl cu pawlkom dang ih nunau pawl hrangah ralthatnak le thuneihnak co ve thei dingin ruahnak tha an pe a si” tiin Archbishop in a sim.

           Archbishop in mino nunau pawl le nunau nauhak pawl in an tul mi digital fimzirnak covo pe dingah a forhfial. Himi digital ah nunau pawl hnon a ngah lo tiin a sim. Nunau pawl commission ih sungtel Christine Cramer le Julie Chaudhury tei in naunau pawl ih hnatuan thei nak covo thu an sim.

           Christ the King Parish sungtel Dr.Linda Lewis in mino nunau pawl ih harhdamnak a thupi nak a sim ih cuvek in khua mi nunau pawl in an harhdam nak hrang an zuam rero tiin a sim. Himi caanserh cemnak cu parish a phunphun ih nu pawl ih hla phunphun saknak le a phunphun lam nak thawn an hmang.

           Himi thu cu RVA thuthang ihsink an don mi a si.

https://bit.ly/3kZqsgV

Add new comment

2 + 1 =