California ah tubaite ih kutsihnak neitu Vietnam tei nupa Pope Francis in thluasuah pe October 17, 2021

California ah tubaite ih kutsihnak neitu Vietnam tei nupa Pope Francis in thluasuah pe

October 17, 2021

              Pope Francis in Ivy le Kevin tiih kawhmi tubaite ih kutsih nak a neitu tei pahnih Pope ih thluasuah ngah dingah California ihsin Rome ah a thlengtu Vietnam mi nupa tei cu thluasuah a pe. Anmah cu Papa Francis ih zarhtin khawmzawh mipi pawllakah an tel ih Vietnam daan thuam khal an hru. Annih pahnih cu California ihsin an ra. An suahsemnak ram ih neihawknak thuam an hruk. Himi cu kan pahnih ih neihawknak honeymoon  khualtlawn nak a si. Hinah karkhat kan um ding. Kan thlennak cu ni 5 a rei zo. Italy cu kan duh zet a mawi tuk" tiin Ivy in a sim.

An nupa hrangah Pope Francis thawn biakaw in thluasuah ngah ding cu an tumtah bik mi a si thu

              "Catholic tinkim ih duh mi Papa thawn tongaw in thluasuah ngahnak cu kan tumtah mi asiih atu cu a cang taktak, Papa kan tong thei. A Thluasuah pek mi kan ngah thei. Cibai kan buk thei. Himi pawl cu caan tha danglam a si" tiin Kevin in a sim.California ih an tlunglam ah ziangtlukih ruah a tam khal ah, nazi 10 hrawng rei vanzam to khal sehla, kumkhua khuapi tiih kawh mi Rome khuapi ihsin hi nupa tei ngah mi thlarau thazang cu a mit dah lo ding tiin thuthang ngan tu in a sim. Himi thuthang cu Rome Reports thuthang ihsin kan ngah mi a si.

             https://bit.ly/3ALl9U0