Cambodia ah Catholic Bishop in Buddhist mipi pawl ih sunloih nak a cohlang. ( May 5, 2022)

Cambodia ah Catholic Bishop in Buddhist mipi pawl ih sunloih nak a cohlang.

May 5, 2022

              Phnom Penh ih upat mi Buddhist sayataw in Phnom Penh ih a um mi Catholic Bishop Olivier Schmitthaeusler hnen Buddhist pawl ih rualpi tha pakhat tiin sunloih nak tacik cu April 30 ah an pe. Himi caanserh cu Takeo ramthen, Tramkok hmun, Ang Montrey Buddhist phungki pawl tlawngah an tuah. Himi ramthen cu Cambodia ram thlanglam Phnom Penh khuapi thawn 80km a hla. Atui pek mi sunloihnak tacik cu St.Gregory sunloihnak thawn a bang tiin an sim. Caanserh cu nunphung ministry ih secretary asimi Seng Somony in a hoha.

              Caanserh ah Cambodia ram ih Buddhist biaknak ah a sangbik mi biaknak ih sunloihnak ah Sayadaw Maha Nikaya ih thuthan nak in (018-27) hmun ih Buddhist sayataw asimi Preah Dhamma Choy Pov in a sim. Cui thuthan cu (Jan 4, 2022) ah an suah ih, thuthan sung Catholic Bishop Schmitthaeusler cu "Buddesh biaknak tha pe tu asi thu a sim. A hman ah cun himi thuthan nak cu nithla a tel vekin cui ni ihsin thokin nemhnget a si.

              Kum 51 lawng a si lai mi Bishop Schmitthacusler cu MEP France Pathian riantuantu pawlkom ihsin a si. Bishop in cozah upa thunei pawl, Buddhist mi pawl le Catholic mi pawl hnen ih a sim mi cu "tuini zinglam ah himi hmun ah hmunkhat ih khawmawk nak cu himi sunloihnak takcik pakhat cohlang ding lawngah asilo. Kan zaten pungsan thar thawn hmunkhat ten in khawm ter. Himi khawm awk nak cu remdiahnak lamzin ah a hruai. Hitiin pakhat le pakhat a tha deuh mi nelawk nak a ngah ter. Kan zaten Cambodia mi kan si. A bang aw mi nunphung, tong, thinlung kan nei. A bang lomi biaknak lam zumnak pwl a um nan hmunkhat ten hmailam feh a theih. Khat le khat zangfah theihthiamnak nei ding a tul. Ton khawm awk nak ah a hruai. Leilung a thok ihsin kan zaten ulenau kan si timi theih ding a si. Biaknak lam cu theihnak, nunphung, um tlan daan ih man a zirh. Kan thinlung cu a thim in a khuh ih, kan thlarau a ro in a thi asile thudik, ruahsannak, lungawi nak pawl leilungpi hrang zo in a la thei ding.

              2002 Cambodia ih a rat ihsin thokin nitin zuam zet in hna a tuan. Khristmas puai caan ah Buddhist biaknak sayataw pawl, Puithiam pawl kan Biakinn ah mi harsa pawl hrang tumtah in a hlu pawl an pe. Zangfah nak hnatuan hmun khat ten an tuan. Biaknak khat le khat karlak lungrualnak ah a thupi zet. Biaknak cu a bangaw mi lam an nei. Cui lam cu leilungpi remdaihnak tuah sak dingah a si. Biaknak lam thawn pehpar aw in hmuh nak a peng mi, hmuhsuam ih tong nak le a dang tuah tuan mi pawl cu nunphung kiangkap ah hmun a um lo.

              Himi tuahnak cu ka hrang ah asilo. Catholic Pawlpi thawn hmunkhat ten tuan tlang nak biaknak tinkim hrangah a si. Hmunkhat ten feh tlang dingah a si. Hivek pehtlaih awk nak phun cu kum tampi pehbet in tuah dingah a har ding nan nung thei dingah ka ruah san. Innsang tinkim ah remdiahnak a um ding. Innsang sung remdaihnak a um asile veng, khua khal a rem dai ding. Cuvekin ramthen, ram, leilungpi khal ah a um ding tiin a sim. Himi thuthang cu RVA thuthang ihsin kan don mi a si.

https://bit.ly/3KPZ0cg