Canada ah meisa ur a tuar mi Biakinn ih thatnak a tuah tu pakhat in meisa ur tu zo a si ti a thei lo nan a ngaidam thu sim August 6, 2021

Canada ah meisa ur a tuar mi Biakinn ih thatnak a tuah tu pakhat in meisa ur tu zo a si ti a thei lo nan a ngaidam thu sim

August 6, 2021

         A liam zo mi thla pawl sungah Canada ram ah Khristian Biakinn 45 ur an tuar ih Biakinn 17 cu an siat viarviar. Tu baite ah meisa ur mi Biakinn pakhat ih tuanvo nei tu a si mi Steven Faltas in hi thilcang a tuah tu pawl Christian pawlkom in an ngaidam thu, kan Biakinn a din rero duh lai hmuh an duh thu, cu vek in kan zumnak a hngetkhoh tu pawl an si.Curuangah tu vek ih a can ruangah an thinnuam lo nan Pathian in thilri siat pawl rem tha sal dingah in kilkhawi ding. Curuangah thaisun cu lungawi ni khal a si thei thu CBN thuthang ah a rak sim.  

          An Biakinn a kang ti a theih veten khua a vang hrih lo nan Biakinn ah a va tlan ciamco. Thinnuam lo zet mi cu St. George Coptic Orthodox Biakinnpi cu July 29, 2021, zing nazi 3:30 am ih a kang hnu ah zing 4:30 am ah a ziamral theh.Faltas  ih sim mi vek a si le Biakinn fehnak lamzin an rak kham. Cui thil a cannak hmun ah meisa mittu mawtaw 4/5 thawn meisa mit thei ding an zum rero. An hmuh mi an sim mi vek a si le beidong thlak zet a si.

Meisa a kang rero mi Biakinn

          Biaknak lam hotu pawl in tu vek ih meisa kangnak cu thuneitu pawl hrangah rinhleh nak ah a cang. Hi dinhmun vek a cannak cu Biakinn kiangkap ah Canada ih a um tu miphun dangdang pawl ih ziang ti phork suak thei lo mi thlaan pawl hmuhsuak mi thuthang pawl a suah hnu neta lam ah an rak nemhnget sak. Zo a si ti lang ter mi Catholic Diocese a do rero tu pawl khuapi lawngah hi Biakinn pawl siatsuah nak, meisa kangnak tuah mi si lo in Parish pawl, mifarah veng pawl ih um Biakinn pawl khal hi vek in an tuah rero. St. George vek in meisa ur a tuar mi Biakinn ih tuanvo neitu Faltas in CBN thuthang ah hi tiin a rak sim.

          Thuanthu sung tel mi Biakinn pawl cu tu vek in siatsuah an tuar hi thin a nuam lo zet. Cu mi a tuah tu phorksuak a har zet ih ramkhel lam ah felfai zet in kan um tiah a sim. CBN dinhmun in a dang thu hram ih ngah mi pawl vek a si le Canada ram ah Biakinn 45 an rak siatsuah. Curuangah Canada ramthen 10 sungin 6 umnak Christian pawl hrangah kumkhua a dai lo ding mi ah a cang. Cui hmun ih um ralkap pakhat a si mi Kurt Jacobs in tu vek in zumnak thawn pehtlaih mi pawlkom pawl a hleice ih doawk nak a can le a do tu pawl thawn lawng sai mi si lo in zumtu zate hrangah khal himnak a um lo mi dinhmun ah a thlen ter.

          Biaknak lam thawn pehpar mi inn pawl siatsuah a si rero ko nan meisa kangnak ruangah St. George Biakinn dinhmun in mai Biakinn ih pawlkom pawl tha an pek rero thu, an mah in Biakinn an sak sal ding thu khal meisa kang in a siat mi St. George Biakinn hmai ah zaankhat sung thlacam in thukamnak a rak tuah. Hi thuthang cu Aleteia thuthang ih kan ngah mi a si.

https://bit.ly/3iw8AGo