Canada Catholic pawl ‘nunnak le innsungsang’ Zarh hrang tim an tuah April 21, 2021

Canada Catholic pawl ‘nunnak le innsungsang’ Zarh hrang tim an tuah

April 21, 2021

Canada Catholic pawl ‘nunnak le innsungsang’ Zarh hlan te ah Canada ram ih Catholic Bishop pawl pawlkom kaihruaitu in Khristian innsang pawl dinhmun in an damkim lo nain rundamnak thuthangtha lungawi zet ih than dingah a rak forhfial.

“Nunnak le innsungsang” sunloih Zarh cu Canada ram in kumtin a tuah. Hi vek ih tuah nak in innsungsang pawl hnenah thuthangtha thawn kaih in zuam ter duh nak thawn tuah mi a si.

Cu vek caanserh ah Ottawa ah kom in ‘milai nunnak humhim dingih’ dil mi khal a um. Tui kum cu May 9 in 16 ni tiang an tuah ding a si. An tuah mi ih motto cu ‘innsungsang cu Pathian riantuannak a si. Ruahsannak le nunnak ih hminsinnak si a tul’ ti a si.

Bishop pawl pawlkom hotu Bishop in “Nu Pawlpi ih riantuannak pawl leitlun ih karh dingah cu Bishop pawl, Puithiam pawl, Brother pawl, Sister pawl ih tuanvo a si lo.

Kohhranpi pawl le innsungsang pawl khal ken a tul. Innsungsang hi kan famkim cio lo. Curuangah Pathian hnatuan ding khal kan nuar theu.

A ngai ngai ah cun Pathian hna tuan ding cu Baptism lak ni ihsin a rak thok. Nu Pawlpi thawn tuan tlang dingah thukam kan rak pek. (CCC 1213)

Bishop in “Khristian a thok nak khal Khristian menmen pawl in an rak sim thok mi a si” tiin Pope Francis ih sim mi a rak sim bet. Cui hnu ah ‘cu vek in kan san ah khal Khristian innsungsang dinhmun in Bawi Jesuih hnatuannak ah ap aw ih tuan a tul.

“Canada ram mi pawl cu ruahsannk ih hminsinnak le Khristu thawn in Pathian ih pek mi rundamnak duhdawtnak ih mawi nak midang pawl hlawm a tul” tiin a rak forhfial.

Hi mi thuthang cu Vatican thuthang ih kan ngah mi a si.

https://bit.ly/3tXfjwm