Canada ih Bishop pawl in bawm nak a hleicee ih a tul mi pawl an bawm timi thuthang (July 15, 2020)

Canada ih Bishop pawl in bawm nak a hleicee ih a tul mi pawl an bawm (July 15, 2020)

          Canada Catholic Bishop pawl pawlkom cu Covid-19 pulh nat ruangah nasa zet in a tuar rero tu, bawmnak a cuangcee ih a tul mi pawl a rak bawm thu cu July-14 ah a rak hmuh. Hi pulh nat cu phun dangdang dinhmun phunphun in mi a nuai. Hi pulh nat in bawm nak a tul ko nan bawm a theih lo mi harsat nak a tuah thu, kilhim nak a hmuh mi hmun le ram pawl, nu le pa kim nei lo ih a um rero mi innsungsang pawl, hnatuan nei lo tu pawl, ramkhat hnu ramkhat ih a thawn tu hnatuan tu pawl, inn nei lo tu pawl, khua le ram nei lo tu pawl thawngtla pawl, taksa lam ih reipi nat nak le thinlung lam ih nat nak a tuar rero tu pawl tiangin a naa ter thluh ih a besia ter.

          Kum upa pawl hrangah Bishop pawl ih an suah mi thuthang ah Pope Francis in a rak hmuh theu mi kum upa pawl hrang khal ah an ruat sak ve. Cu mi pawl zinag sair lo in hngilh pang theu mi nunphung cu do ding, zawn ruat ding le cu mi pawl cu a tu vek ih pulh nat tuar hlan ihsin kum le nat nak pawl ruangah mah te lawng um nak, khawruah har nak, thanau nak, innsang in siseh, Diocese khal in siseh in hngilh zo tiih a ruat tu pawl cu cui a besia zet mi nat nak cu an ruah a har tuk thlang a si.

Zir mi fimthiam nak

          Harhdam nak thawn pehpar mi caan tha, pawlkom him nak, a tul mi hnatuan le hnatuan ngah nak, fimthiam nak, harhdam nak, Kawhhran thawn pehpar mi hnatuan pawl khal an ngah thu le hi thuhla zate telh ih tuah nak in mi pakhat ih a neih mi kha a lang ter ih zate hrangih thathnemnak a bawm tu hrampi a si.

          Bishop pawl ih an sim bet mi cu hi pulh nat sia caan sungah khat le khat pehtlaih nak nei dingih tuah nak ruangah caan tha pawl an rak ngah thu, cu vek in hringhro nak le hnaihnok nak pawl an rak ton thu, cui dinhmun zate cu tlaitluang zet in tu le tu zoh sal a tul thu, pulh nat a thok ihsin a tul mi cu caan reipi tuamhlawm tu harhdam nak thilri pawl, pawlkom pawl baksam lo dingih a tul thu le hi thu cu acozah le harhdam nak lam ih tuanvo nei tu pawl khal in an phuan thu, thinnuam lo nak le thinlung tiang in tawk tu cu a thupi zet mi fimthiam nak in petu a si thu, a thupibik in hmailam mino pawl hrangih zir cia a tul thu, Covid-19 hlan ah kum upa pawl cu mipum pawlkom lawngah si lo in an mai pawlkom pawl le an innsungsang pawlkhal ih hnon nak le hngilh nak pawl an tuar a si.

          Bishop pawl in a hlan dinhmun ah nuam tete ih thleng ding, ziangah tile kum upa pawl cu fimthiam nak a nei tu siseh, hlawm awk sal dingah zum nak hmuhton mi pawl siseh, simsal ih nin theih lo mi thinlung le thazaang a um ter mi hmuhton nak thilcang pawl, nuam nak, hnihsuak za thuanthu tampi in pek lai thei thu, curuangah kan thinlung sungah hmun timtuah uh si. Inn pawl, innsungsang pawl le pawlkom pawl tuah in cu mi pawl sunlawih tlang uh si.

          Cu mi pawl ih tha mal mi dinhmun cu zawn ruah sak in a tul mi pawl zoh that sak uh si. Hi ti vek ih minung bang mi, duh a nung mi, tirhsiang mi le ngaithiam mi Pathian ih thluasuah khuatleu zet mi leilungpi si dingah tuah uh si tiin in forhfial a si. Hi mi thuthang cu July 15, 2020 ah Vatican thuthang ih kan ngah mi a si.  

source: vatican news

https://bit.ly/396Mvro