Capi timi Laudato si' film cu Kolkata Archdiocese ah tar lang.

Capi timi Laudato si' film cu Kolkata Archdiocese ah tar lang.

December 9, 2022

            Kolkata Archdiocese ih social communication commission ah capi tarlangnak an nei ih, cumi ah laudato si ih thuhla pawl, lemcang tu dinhmun in Pope Francis le mi pawl ih aw aiawh in hotu panga, mino, mi harsa le hramlak ram sa pal an tel. Puithiam tampi, Kohhran mi pawl, diocese commission hotu le Parish sung ih kiangkap kom pawl le hotu pawl an tel. Himi cu Pope ih tumtah mi kan nu leilungpi kilkhawi dingah kan zate hrang a tha zet mi tuanvo a si.

            Kolkata ih Archbishop Thomas D’Souza in flim a tawi zawng ih simnak a nei. A sim mi ah October thla lai ih Bangkok ih tuah mi FABC conference ah a rak zoh zo ih, a tha zeih mi thangphork tu khal a si tiin a sim. Himi tarlang nak ih a tel tu mi khual pawl cu Jesuit Provincial Rev.Fr. Raphael Hyde SJ, Archdiocese ih vicar general Rev.Dominic Gomes pawl an tel.

            Nazi pakhat le khuai flim tarlang hnuah pawlkom ih thusim nak cu Cathedral ih Pro.Vicar Fr.Franklin Menezes in a hoha ih, himi flim a zoh lai ah a mitthli a tlak thu asim. Mipi tampi khal in an mai an hmuhnak cio hlawmnak an nei. Himi flim ih a hleice ih tumtah mi cu kiangkap duhdawt dingah le upat nak nei dingah a si.

            Archdiocese social communication ih director in tumtah nak tha neih rero vekin diocese ih policy ah kiangkap kilkhawinak ding caan a si zo thu a sim. Himi a fiangfai zet mi daan pawl le lamhmuhnak pawl thawn kohhran ah hmur a nei taktak mi tuah dingah Archbishop le a dang hotu pawl hnen zangfah a dil. Himi thuthang cu RVA thuthang ihsin kan don mi a si.

https://bit.ly/3uBQcAZ