Cardinal Czerny cu Pope a tlawnnak kumkhat hnu ah South Sudan tlawng ding.(January 31, 2023)

Cardinal Czerny cu Pope a tlawnnak kumkhat hnu ah South Sudan tlawng ding.(January 31, 2023)

          The Dicastery for Promoting Integral Human Development ih prefect, Cardinal Michael Czerny cu Pope Francis ih a Tuukhaal khualtlawnnak kumkhat kim hngilhlonak ah Feb 2-9 tiang South Sudan ah tlawng a tum.

          The Dicastery for Promoting Integral Human Development ih Prefect cu a khualtlawn sungah Juba, Malakal, le Renk ah a tlawng ding.

          Hi caanserh ah, Cardinal Czerny cu Feb 4 ah Juba ah Mass raithawinak a tuah dingih leitlunhuap thlacam ni le minung kaihnak dokhalhnak thawn pehpar in Feb 8 ah Malakal ah Missa Sumnak a tuah ding.

          Cui hlei ah, Cardinal cu Sudan ramri, Renk khuapi ah a feh dingih mivai harsa pawl cu Nile tiva tluan ih um Renk ihsin Malakal ih hruaisuak ding hrangih tuah mi lawng thluasuah a pe ding.

          2023 lai ah Pope Francis ih South Sudan a rak tlawn lai ruat phah in, lungrualnak le remdaihnak ih thupit zia pholang in Pope cu Anglican Pawlpi le Scottish Presbyterian Pawlpi ih hotu pawl thawn pawlkom awknak an rak nei.

          A khualtlawnnak tluan ah, Pope Francis cu thuneitu pawl, nunphung, mivai pawl le biaknak lam hotu pawl tel in South Sudan ah pawlkom phunphun thawn thatho zet in an rak tong aw.

          Hi thuthang cu Vatican News ih kan don mi a si.