Cardinal Monsengwo France ram ah a nunnak cem July 12, 2021

Cardinal Monsengwo France ram ah a nunnak cem

July 12, 2021

          July 11, tlawngkai nikhat ni ah Cardinal Fridolin Ambongo in a mai twitter cahmai ah Cardinal Monsengwo France ram, Versailles ih a thih thu,  cui thuthang ruangah a thin a nuam lo zet ih thinnuam lo nak thawn Kohhran pi zate le thinlung tha a nei tu pawl theih ter nak a lang ter thu a rak ngan.Congo ram ih Catholic Kohhran mipi pawl khal an thin a nat thu, ram tinkim ih zohthim tlak tiih nemhnget in an zum vek in a mah cu ‘a dik mi leilungpi’ din dingah a rak zuam tu khal a si tiah a sim. Cardinal Monsengwo cu Cardinal council sungtel a si. A mah cu Cathianghlim mifim pakhat khal a si ih African miphun pawl sungin Biblecum Cathianghlim phunsangtlawng in doctor buaih hmaisabik ih rak ngahtu khal a si.

          Pope Francis in Pope a rak tuan thok ih a rak din mi Cardinal council sungtel ih rak hril mi a si. Hi council pawlkom sungtel pawl in Pope ih zung sung thleng dingah le silhkhah a tul mi pawl cat bang lo in an zingzoi. Cardinal cu hi pawlkom in 2018, December 12 ah a kum ruangah a rak cawl. A cawlh hnu thlakhat rei ah a kumkim ruangah Kinshasa ih Diocese hotu in khal a rak cawl. A liam cia mi kum pawl ah Cardinal cu a suahnak ram Congo President ih a thupi zet mi, a siat ol zet mi remdaihnak lam hnatuan pawl ah a rak tel. Cui hnatuan ruangah President a tuannak kumthum a kim zo mi President Joseph Kabila ih ramkhel le nunphung harsatnak caan thawn a rak tong awk. A ngaingai ah cun President a tuannak cu 2016 ah a cem zo.

Congo President ih remdaihnak lam hotu ralbawi

          Remdaihnak hnatuan ah Diocese pi khal hmailam ah ho in a tuan rero. 2017 hrilawknak puai tuah thei dingah khal an rak tuah. Ziangah tile tui President cu hrilawknak tuah sak dingah 2017 ihsin a rak pelh zo ih thuhla a phunphun ruangah an rak thawn ih 2019 tiang a si. Cardinal in thudik thawn a pehpar ah cun tha ten a sim ruangah mipi ih zumnak khal a ngah. Curuangah hi dik lo nak khal Cardinal in a cohlang lo. A rak hrial dah lo. Ramkhel a si ruangah a har ih tih a nung zet ko nain lam hruai in thleng rero dingah a rak tuah. 2018, January 2 ih a rak sim mi cu Democracy cu remdaihnak a dil rero tu Catholic pawlkom hnenah humhimnak tha in nasa zet in a rak mawhthluk.

Hi mi remdaih ten duhphorhnak cu New York ih lungkim nak a dil tu ‘the Comite Laic de Coordination’ pawlkom in a rak timtuah. Hi lungkimnak cu a liam zo mi kumhnih ah doawknak pawlkom le acozah karlak ah lethmat an rak thu.Cui lungkimnak cu Bishop pawl ih simnak thawn an rak ngah. Cui ni ah mipum pariat hrawng an thi ih mipum 140 luan kaih an rak tuar. Cui nutu ziaza tha lo khal Cardinal in nasa zet in a rak lungkim lo. Ziangah tile Khristian pawl cu Missa sumnak ih tel thei nak khal an kham. Missa sumnak tuah lai ah khal mitthli tla thei mi bomb pawl puahnak thawn an rak do.

Sumpai, phone ruk nak pawl, duhphorhnak hotu pawl hawl in kaihnak, Bible Cathianghlim pawl, Rosary pawl, Thinglamtah pawl a keng tu Puithiam pawl, Kohhran mipi pawl an rak kai. Thudik phorksauk nak caan a si ih bumnak neh a cuu zo tiin Kinshasa Archbishop a cawl zo tu in a rak sim.

Cardinal ih ruakvuinak caanserh

          Cardinal cu 1939 ah a rak suak ih suahpi unau pariat a nei. Cardinal in Puithiam cannak cu 1963 ah a rak lak ih 1980 ah St. John Paul II nak san lai ah Bishop ih rak hril mi a si.Cardinal ih riantuannak nunram ah Diocese in a ap mi rian tuan ding tampi khal a rak tuah. Inongo Diocese, Kisangani Diocese ih Assistant Bishop khal a rak tuan dah. A mah cu Africa Catholic Bishop pawl le Madagascar ram ih Bishop pawl ih hotu in siseh, Pope Benedict XVI in a mah cu Cardinal ah 2010, November 20 ah Cardinal sinak a rak pek.Pope thawn hnatuan tlangtu zaten kumkim Pathian thuruahnak a rak pek. 2013, April 13 ah Pope Francis in a mah cu Cardinal council pawlkom ih rak ap mi Cardinal ih a tang lai mi zuk cu a r alai ding mi ni rei lo te sungah a ram ah keng in Kinshasa Diocese ih Cathedral Biakinnpi ah an vui ding a si.

  Hi thuthang cu Vatican thuthang ih kan ngah mi a si.

https://bit.ly/36Ko02R