Cardinal Parolin Lourdes Bawinu hnen khawmzawh ih a feh ruangah tha tho (August 18, 2020)

Cardinal Parolin Lourdes Bawinu hnen khawmzawh ih a feh ruangah tha tho

August 18, 2020

            Aliam zo mi thla malte tiang leitlun hmin kip ih minung pawl cu nundam nak, hnatuan nak, thlacam nak khal a tui tuah dan vekin si nawn loin, covid-19 ruangah tuahdaan thleng a si. Asinan France ramih nili sung tuah mi Loudes Bawinu Maria hnen khawmzawh nak program cu an cowl lo.

            Kan dung tlawngkai ni thum sunah a vei 147 nak khawmzawh nak program cu St.Benedict ih Biakinn ah Missa raithawi nak in on. Himi program cu Assumtionists pawlkom cu August (12-16) nitiang program canserh tuah a si. Himi Program ih thuluu  cu "duhdawt nak ih hrampi ah feh tlang uhsi" tiin a si. Covid-19 ruangah mibur tampi'n umnak, nai ten fehvah nak kham mi khawmzawh nak programah a hlan kum pawl vekin mipi an tam lo.

A harhdam lo pawl cu anmah lawng an si lo.

            France Catholic Pawlpi ih khawmzawh nak ih tuanvo nei tu cu Fr.Vincent Cabanac a si. Tui kum cu pulhnat ruangah khawmzawh nak tuah dingah a har nan, tuah theu mi pelh duhlo ruangah harsat nak karlakah tuah a si thu, tui kum khawmzawh nak programah khawmzawh pawl aiawh tu minung 500 lawng program ah tel a theih  thu, midang khawmzawh pawl cu online ih thlah mi ah tel a theih. Curuangah midamlo pawl khal video, line ih thlah mi ihsin tel in thlacam a theih thu, midam lo pawl khal anmah lawng sinak tuar ter loin covid-19 cu mipum khawm nakih thlacam nak a thleng nan, himi nili sung ahleice ih thlacam nak program ih a tel tu an tam tuk thu, himi program ah Rosary cam nak, Bawinu thangthat hlasak nak, Bawinu zuk vah pi nak, Puai ni hmuak nak thlacam nak le Bawinu duhdawt nak thawn pehpar in tettikhan ih mi va sim  nak khal telh a si.

            Hmun rikhiah nak, leitlun harhdam nak pawlkom ihsin khal siseh, cui ramih harhdam nak zungih an lam hruai nakin khal siseh, khawmzawh pawl naiten um lo dingah tumtah asi-ih tui kumah Bawinu umnak lungkua ihsin a suak mi tidai thiang thawn kolh nak program telh asi lo thu, asinan mai zum nak vekin hmai phiahnak, kut le ke kholhnak, tidai thiang in nak cu tuah a theih thu tuanvo nei tu Father in a sim.

Cardinal Parolin ih khawmzawh nak thu

            Himi puai a tawlreltu pawl ih sawm nak vekin Vatican ih secretary Cardinal khawmzawh nakah a tel ih, August 15 ni Bawinu vancungram hruai nak a ngah nak puai Missa raithawi nak cu a mai hoha ih tuah asi thu, atuvekin tel dingah covid-19 pulhnat a um hlan ihsin sawm cia a si.

            A tui tum Cardinal ih a rat nak cu Vatican ih secretary tiih hna a tuan lai ah a veithum nak a rak nak a si thu, 2017 ah ram tinkim leitlun a harhdam lo mi pawl ih niah Pope aiawh tiin khal siseh, 2018 kumah Disel khuapi ih St.Francis ih puai an tuah lai khalah a tel thu, a tu vekin Cardinal ih khawmzawh a tel ank cu anmah hrangah san a nei tuk ih, a thupit tuk thu, a mai ratnak cu rinsan tlak ih um dingah, tangdor dingah thazang pakhat a si thu, Cardinal khalin Assumptionist Siangbawi pawl cu France ram hrang lawng ah ahleice in thlacam sak siloin, leitlun huap hrang khal ah thla an cam sak thu le Cardinal ih tumtah mi pawl khal Bawinu tual rawn ah Missa a tuah sak nak hrangah kanmah Assumptionist Siangbawi pawl hrang khalah, France ram sung zaten hrang khalah, Diocese hrang khalah, a thupi tuk ih, hminsin ding tampi a can ter thu Fr.Vincent Cabanac in a sim. Himi thuthang cu Vatican thuthang ihsin kan ngah mi a si. 

https://bit.ly/2EiMK7k