Cardinal Parolin in Navalny ih thihnak cu in mangbang ter ih riahsiatnak thawn in khat ter tiah sim.(Febuary 16)

Cardinal Parolin in Navalny ih thihnak cu in mangbang ter ih riahsiatnak thawn in khat ter tiah sim.(Febuary 16)

Rassia dodalnak hoha tu Alexei Navalny ih thihnak ruangah ramdang thawn pehpar mi Cardinal in a riahsiat thu langter.

Rassia dodal tu le President Vladimir Putin a thupi bik ih a zuamtu pakhat a si mi Alexei Navalny cu mangbangza in riahsiatnak a tlenter thu, ramdang zohkhentu Cardinal Pietro Parolin in Febuary 16 ni zanlam ah a rak sim.

Navalny cu 2021 in kaih a tuar ih Arctic penal (hremnak) colony IK-3 ah thawngthlak a si,  a kum 47 ni Feb 16 ni ah a nunnak a cem a si. Amah cu kum 19 sung Thawngtla ding ih daan tat mi a si.

Hi mi thuthang ka theih tikah ah ziang ka ttong ding ti ka thei lo, ka thin a nuam lo. Hi mi thu ah thaten a tuah suak thei ding tiah ka rak ruat.  Cu mi ai ah hi mi thuthangin in lau ter vekin riahsiatnak thawn in khat ter  tiah Cardinal in Biakinn hmai ih thuthang latu pawl hnenah a rak sim.

Hi mi thu ah Rassia ram ah Holy see dinhmun in ziangtuah nan tum tin thuthang latu pawl ih an suh tikah Parolin in '' hi ti vekih sim dingah a tik cu a kim hrih lo ..hi mi thu cu kan theih cia mi a si ko '' tiah a rak let. hi thuthang cu vatican thuthang ih kan don mi a si.