Cardinal Raul Eduardo Vela a nun nak a cem November 17, 2020

Cardinal Raul Eduardo Vela a nun nak a cem

November 17, 2020

            Kum 86 a sizo mi Cardinal Vela cu Quito ih St.Camillus siizung ah ni reipi an tuamhlawm hnu November 15 ah a nun nak a cem. An vui nak Missa raithawi nak cu Quito Cathedral ah November 17, zianglam 10 ah an tuah. Cui siizung ih director Fr.Alberto in "Cardinal cu a thih hlan te ah a duhdawt bik mi a sungkhat pawl, a rualpi pawl thawn thla cam nak an tuah" tiin a sim. Bishop pawl pawlkom khalin "a mah kan sun ruangah kan thin a naa nan rinsan tlak asimi hnatuantu tiin Pathian in a cohlang ding timi k zumnak kan nei ruangah hnem nak kan ngah. Cardinal ih siangzetih a pek awk nak ruangah Pathian hnen kan lung a awi. Kawhhran pawl zaten khal a thlarau hrangah thlacam sak cio uh" tiin zangfah kan lo dil" tiin an sim.

            Cardinal Vela cu kum 1934, January 1 ah a rak suak. Quito ih St.Joseph Siangbawi can nak tlawng ah Philosophy le Theology fimthiam nak pawl a zir theh ih, Riobamba Diocese ah kum 1957, July 28 ah Siangbawi cannak a ngah. Kum 1969 ah Ecuador Bishop pawl pawlkom ih secretary tinkhal siseh, kum 1972 ihsin 1975 tiang secretary tiin hna a tuan. Kum 1972, April 20 ah Guayaquil ih bawm tu Bishop tiin ret a siih, kum 1975, April 29 ah Azogues Bishop tiin an ret ih 1989 kumah Ecuador ralkap ih thlarau lam hnatuan tu Bishop tiin hnatuan pek a si. Amah cu 2003-2010 Sep 11 tiang Quito Archbishop tiin hna a tuan. Kum 2010, November ah Cardinal tiin an ret ih cui caan ah kum 76 a si zo.

            Pope Francis in amah cu 2015 ah Peru ram, Peru khuapi ih tuah mi a vei 10 nak leilung pumpi thawn pehpar mi "Eucharistic and Marian Congress" ih dungthluntu tiin siseh, 2017 ah Peru ih tuah mi Lima khuapi ah St. Rose ih a thih nak kum 400 kim Jubilee ih dungthluntu tin khal siseh an ret. 2015 kum ih tuahmi innsang thawn pehpar mi thurelkhawm nak thoh hlan ah Cardinal Vela in "Zumnak timi cu Bawi Jesuh ih zirh mi asi. Kawhhranpi cu zum nak khawl nak hmun a si. Kanmah pawl in Pathian le a thukham dodal a ngah lo.   

            Himi thurelkhawmnak cu zumnak thawn pehpar mi ruahnak lakin a danglam mi thil pawl cang dingah timi cu ruahsan ding a um lo. Thuthang media pawl in Pathian ih thukham kha a lam dang zawng in an lak ih a linglet zawng in an sim hmanah thudik thuhman cu an thleng thei lo. Kawhhran hnatuan pawl lam in kawhhran mipi pawl, kawhhran thawn a hla aw mi fale pawl hleiah a dang kawhhran ih ulenau pawl hnen a tha deuh mi naih awknak pawl tuah dingah a tul" tiin CNA in a sim.

            Petbet in "asinan Missa san theinak cantha cu an ngah sal ding timi tiduhsan cu a silo. Ziangruangahtile anmah pawl cu menmen dinhmun ah an um a si lo. Kanmah pakhat ciar ih a um mi Pathian ih zangfah nak cu an hmu ih an co thei nak dingah kanmah lam in anmah thawn rualpi awk nak, thlacam sak nak thawn bom nak cutivek thlarau lam bom nak kan pe ding" tiin a sim. Himi thuthang cu Vatican thuthang ihsin kan ngah mi a si. 

https://bit.ly/2UG0TR9Source:

Catholic News Agency