Caritas New Zealand khal in meisa tlang ruangah tsunami a tuar tu ‘Tonga’ tikulh bomnak pek. 20 January 2022

Caritas New Zealand khal in meisa tlang ruangah tsunami a tuar tu ‘Tonga’ tikulh bomnak pek.

20 January 2022

         Kan dung tlawngkai nili ah meisa tlang puahnak ruangah tsunami tilian a tuar tu ‘Tonga’ tikulh ih umtu pawl hrangah hmaisabik ih tul mi bawmnak famkim kengtu vanzam pakhat hmaisabik ah a rak tum. Cui vanzam cu meisa tlang a puah hnu ninga a rei ah a tul mi bawmnak pawl phur in a thleng tu vanzam a si.

Nunnak dingah a tul mi bawmnak pawl

         Cui bawmnak pawl cu New Zealand ram ih vanzam (C-130) ih thlah sak mi a si. New Zealand ram ih ramdang minister Nanaia Mahuta in tui phurh mi thilri pawl cu tidai retnak pung pawl, beunak thlaam pawl, meiset pawl, harhdamnak lam thawn pehpar mi thilri pawl le innsungsang hrangah ret ding mi siivai pawl, pehtlaih awknak thilri pawl a tel thu a rak sim.

         Australia humhim awknak lam minister Peter Dutton khal in an mai mi runnak vanzam khal in tidai thianternak cet, beunak thlaam, rawlsuannak, ciarbeek pawl thianfainak ding cet pawl, a phurh thu a rak sim.

         Kan dung Zarhte ni ah a puak mi Hunga Tonga-Hunga linghnin ah minung 3 an rak thi ih tsunami tisuar pawl a can ter ih khua pawl, inn pawl, hmundang ah khal a rak thleng. Minung 105,000 umnak tikulh mipi pawl ih pehtlaihawknak pawl khal a rak siatsuah. Asinan, ram tinkim thawn pehpar nak phone line pawl cu tlawngkai nithum ah an rak bun sal theh.

         Cardinal New Zealand in Caritas Tonga, Caritas Australia pawl thawn kom aw in a thupi zet mi bawmnak pawl an tuah rero. Catholic Pawlpi ih nunphung lam thuzirh mi thawn mil aw in tuah rero tu pawlkom pawl in farah harsa pawl bawmnak cu tikulh sungah an tuah rero lai thu, leiram ih a thleng tu pawl dinhmun in dinhmun theih bik a si ih a thabik tidaan pawl thawn tuah dingah a si thu a rak sim.

Bawmnak pawl tuah rero

         Caritas New Zealand ih programmes coordinator pakhat a si mi Rachel Harrison in a hlan ih bawmnak pawl cu bawmnak tul hleice nak hmun 3 ah thupi ih tuah a si thu, tidai thianfai ternak cet pawl, a hlan nurse pawl ih khawl mi siivai retnak thingkuang, tidai retnak pung pawl, hma tuam nak, puan pawl a tel thu, meisa tlang a puah hnu nikhat, nihnih a rei ah tlunlam hluatdaw ih thu pek an rak ngah thu, curuangah tu vek in bawmnak thilri pawl an kuat thei thu a rak simfiang.

Timtuah tul

         Tu vek thil pawl ton caan ah timtuahnak tuah cia a tul. Hi tikulh mi pawl in thlisia, tilian, lei min nak pawl tu le tu an ton ruangah  hmuhtonnak an nei ih an vantha ti a theih. Tui dinhmun ah acozah siseh, nunphung bawmnak pawlkom pawl siseh, ziang tin thuhla sim fiang ding, bawmnak dil ding ti an theih thu, curuangah bawmnak ah harsatnak a um tuk lo.

Caan reipi bawmnak

         Caritas New Zealand dinhmun in Caritas Tonga thawn pehtlaih ih tuahnak cu kum zabi kumhnih hrawng a luan thlang. Caritas New Zealand dinhmun in Tonga tikulh mi pawl a hlan dinhmun thlen sal nak lam ah caan reipi bomnak an tuah bet ding.

         Hi thuthang cu Vatican thuthang ih kan ngah mi a si.

https://bit.ly/3rDZsTn